චීනයේ මෝටර් රථ අංශයත් කඩා වැටෙන ලකුණු

චීනයේ අඛණ්ඩ ආර්ථික අභියෝග පිළිබිඹු කරමින් අගෝස්තු මාසයේ වාහන අලෙවිය අඛණ්ඩව තුන්වන මාසයටත් පහත වැටුණා.

මේ සතියේ නිකුත් කරන ලද දත්ත පෙන්නුම් කරන්නේ දුර්වල පාරිභෝගික වියදම් හේතුවෙන් මගී සහ පවුලේ මෝටර් රථ සඳහා දේශීය ඉල්ලුම දුර්වල වී ඇති බවයි.

අපනයනය ඇතුළුව සමස්ත වාහන අලෙවිය පෙර වසරට සාපේක්ෂව සියයට 5 කින් අඩු වී ඇති අතර එය දැන් ඒකක මිලියන 2.45ක් බව Nikkei Asia වාර්තා කරනවා.

චීන මෝටර් රථ නිෂ්පාදකයින්ගේ සංගමය (CAAM) අනාවරණය කළේ දේශීය මගී මෝටර් රථ අලෙවිය සියයට 9.4 කින් පහත වැටී ඇති අතර එය ඒකක මිලියන 1.74ක් බවයි.

මෙම ප්‍රවණතාවලට ප්‍රතිරෝධය දැක්වීම සඳහා, චීන රජය නව මෝටර් රථ අලෙවිය දිරිමත් කිරීම සහ පැරණි වාහන ප්‍රතිස්ථාපනය කිරීම ඉලක්ක කර ගනිමින් සහනාධාර පිරිනැමීමට ද තීරණය කර තිබෙනවා.

කෙසේ වෙතත්, විකුණුම් පහත වැටීම ආපසු හැරවීමට මෙම දිරිගැන්වීම් ප්‍රමාණවත් වී නැති බව සංඛ්‍යා දත්ත පෙන්වා දෙනවා.

ඒ අතරම, වාණිජ වාහන අලෙවිය ද සියයට 20.9කින් පහත වැටී තිබෙනවා.

වානිජ වාහන අලෙවියේ පහත වැටීම යටිතල පහසුකම් ඉදිකිරීමේ දුර්වල ආයෝජන සහ සමස්ත ආර්ථිකයට විශාල බලපෑමක් බවට පත්ව ඇති පිරිහෙමින් පවතින දේපල වෙළඳාම් අංශය සමඟ සමීපව බැඳුණක්.

ඉදිකිරීම් ක්‍රියාකාරකම් අඩුවීම වාණිජ ප්‍රවාහනය සඳහා ඇති ඉල්ලුමට සෘජුවම බලපාන අතර එය විකුණුම් අඩුවීමට හේතු වන බව Nikkei Asia වාර්තා කරනවා.