චීනයේ ඉහළ පෙළේ රාජ්ය තනතුරුවල කාන්තාවන් නොමැතිවීම පිළිබඳ අවධානය යොමු කරන එක්සත් ජාතීන්ගේ සංවිධානය ස්ත්රී පුරුෂ සමානාත්මතා ක්රමයක් අනුගමනය කිරීමට චීනයට නිර්දේශ කර තිබෙනවා.
කාන්තාවන්ට එරෙහි වෙනස් කොට සැලකීම තුරන් කිරීම පිළිබඳ එක්සත් ජාතීන්ගේ කමිටුව විසින් චීනයට මෙම නිර්දේශ ඉදිරිපත් කර ඇත්තේ ජර්මනිය, අයිස්ලන්තය, සාඕ ටෝම් සහ ප්රින්සිපේ, ස්ලෝවැකියාව, ස්පාඤ්ඤය, ටිමෝර්-ලෙස්ටේ සහ වෙනිසියුලාව වැනි රටවල් සම්බන්ධයෙන් ලද තොරතුරු මත පදනම්වයි.
කෙසේ වෙතත් දේශපාලන හා පොදු කටයුතුවල දී චීනයේ කාන්තා නියෝජනය වැඩි වී ඇති බව එම කමිටුව පිළිගෙන තිබෙනවා.
එසේ වුවත් 14 වැනි ජාතික මහජන කොංග්රසයේ කාන්තා නියෝජනය සියයට 26.54ක් පමණක් වීම හේතුවෙන් කනස්සල්ලට පත් වන බවයි එම කමිටුව පෙන්වා දෙන්නේ.
විශේෂයෙන් තීරණ ගැනීමේ මට්ටම්වලදී අධිකරණ හා විදේශ සේවය ඇතුළු සියලුම රජයේ කාර්යාංශවල කාන්තාවන් සංඛ්යාව වැඩි කරන ලෙස ඔවුන් චීනයෙන් ඉල්ලා සිටිනවා.
වසර 20කට පසු පළමු වරට 2022 ඔක්තෝබර් මාසයේ සිට චීනයේ කොමියුනිස්ට් පක්ෂයේ දේශපාලන මණ්ඩලයේ සාමාජිකයින් 24 දෙනා අතරට කාන්තාවන් ඇතුළත් වී නැහැ.
දේශපාලන මණ්ඩලයේ ස්ථාවර කමිටුවේ සාමාජිකයින් හත් දෙනා අතර කාන්තාවන් නොමැති බවයි කාන්තාවන්ට එරෙහි වෙනස් කොට සැලකීම තුරන් කිරීම පිළිබඳ එක්සත් ජාතීන්ගේ කමිටුව පෙන්වා දෙන්නේ.
රාජ්ය නොවන සංවිධාන ලියාපදිංචිය සඳහා පනවා ඇති අධික සීමා කිරීම් සහ කාන්තා මානව හිමිකම් ආරක්ෂා කරන්නන්ට එරෙහි බිය ගැන්වීම් සහ හිරිහැර කිරීම් පිළිබඳව ද කමිටුව කනස්සල්ල පළ කළා.
චීනයේ විදේශ අමාත්යාංශය පැවසුවේ රජය ජාත්යන්තර හුවමාරු කිරීම් සහ කාන්තා ක්ෂේත්රයේ සහයෝගීතාවට ඉතා වැදගත්කමක් ලබා දෙන බවයි.
කමිටුව විසින් නිර්දේශ කරන ලද ප්රයෝජනවත් අදහස් හොඳින් අධ්යයනය කරන අතර ලොව පුරා කාන්තාවන්ගේ අරමුණ ප්රවර්ධනය කිරීම සඳහා ජාත්යන්තර ප්රජාව සමඟ දිගටම කටයුතු කරන බව ද චීන විදේශ අමාත්යාංශය සඳහන් කළා.
