වීඩියෝ ක්රීඩාවන්හි ගෝලීය බලවතා වූ චීනයේ ක්රීඩා කර්මාන්තය, එක්සත් ජනපද තීරුබදු සහ වෙනස් වන ආර්ථික තත්ත්වයන් හේතුවෙන් දැඩි අභියෝගවලට මුහුණ දී තිබෙනවා.
මෙම තීරුබදු කර්මාන්තයේ සැපයුම් දාම බිඳවැටීම, නිෂ්පාදන පිරිවැය ඉහළ යෑම මෙන්ම ආදායම පහත වැටීමට හේතු වී ඇතැයි සඳහන්.
එහි ප්රතිඵලයක් ලෙස, චීන නිෂ්පාදකයින්, වීඩියෝ ක්රීඩා සංවර්ධකයින් සහ කම්කරුවන් පීඩනයට ලක්ව ඇති අතර, බොහෝ සමාගම් ලාභදායීව පවත්වා ගැනීමේ අර්බුදය සමග පොර බදනවා.
චීනය දිගු කලක් ගෝලීය වීඩියෝ ක්රීඩා වෙළඳපොලේ ප්රමුඛ බලවේගයක් වී ඇති අතර, Tencent සහ NetEase වැනි සමාගම් කර්මාන්තයට නායකත්වය දෙනවා.
කෙසේ වෙතත්, මෑත කාලීන නියාමන මර්දනයන් සහ ආර්ථික අභියෝග කර්මාන්තයේ පසුබෑමකට හේතු වී තිබෙනවා.
2022 දී, වීඩියෝ ක්රීඩා ආදායම 2005 න් පසු පළමු වරට යුවාන් බිලියන 147.8 (ඩොලර් බිලියන 21.9) දක්වා 1.8% කින් පහත වැටී ඇතැයි සංඛ්යාලේඛන පෙන්වා දෙනවා.
තීරුබදු සමඟ සම්බන්ධ වන ඉහළ යන පිරිවැය සැලකිල්ලට ගෙන නිෂ්පාදනය වඩාත් ලාභදායීව පවතින වියට්නාමය සහ ඉන්දියාව වැනි විකල්ප ගවේෂණය කිරීමට ව්යාපාරවලට බල කෙරෙමින් තිබෙනවා.
