චීන ජාතික අභ්යවකාශ පරිපාලනය විසින් පවත්වන ලද චීන ග්රහලෝක ගවේෂණ වැඩසටහන යටතේ අඟහරු ග්රහයා වෙත යොමු කරන ලද රෝවරය ශිශිර නිද්රාවෙන් පසු නැවත ආරම්භ කිරීමට නොහැකි තත්ත්වයක් මතුව තිබෙනවා.
බලශක්තිය ඉතිරි කර ගැනීමේ අරමුණින් එම රෝවරය ශිශිර නිද්රාවට යොමු කෙරුණේ පසුගිය මැයි මාසයේදීයි.
බලාපොරොත්තු වූවාට වඩා දිගු ශිශිර නිද්රාවක තිබූ චීන රෝවරය යළි පණ ගැන්විය නොහැකි තත්ත්වයක පවතින බවටයි වාර්තා වන්නේ.
මෙම Zhurong රෝවරය Tianwen 1 මෙහෙයුම යටතේ දියත් කරන ලද්දේ 2020 ජූලි මාසයේදීයි.
එය 2021 මැයි 15 දින අඟහරු ග්රහයා මතුපිටට ගොඩ බැස්සවීමට හැකිව තිබුණා.
එය පසුගිය වසරේ මැයි 18 වන දින නිද්රා මාදිලියට ඇතුළු වුණේ ශීත ඍතුවේ දී විදුලිය ඉතිරි කර ගැනීම සඳහායි.
පසුගිය දෙසැම්බරයේ එය අවදි වීමට නියමිතව තිබුණත් එය සාර්ථක වී නැහැ.
