සමනලී ෆොන්සේකා සහ ඉන්ද්‍රචාප ලියනගේ කියන්නේ කලා ක්ෂේත්‍රයේ සිටින කලා යුවළ අතරින් ඉතා ආදරයෙන් ජීවත් වෙන දෙදෙනෙක්. සමනලී රංගන ශිල්පිනියක් වන අතර ඉන්ද්‍රචාප ගායකයෙක්. කෙසේවෙතත් මේ දෙදෙනා කලාව තුළ වගේම පෞද්ගලික ජීවිතයද තේරුම් අරගෙන ජීවත්වෙන ආදරණීය යුවළක්. ඉතින් පසුගිය දිනෙක ඉන්ද්‍රචාපාගේ උපන්දිනය යෙදී තිබුණා. ඔහුගේ උපන්දිනයට සමනලී සිය ෆේස්බුක් ගිණුම හරහා ආදරණීය නිසදැසකින් සුබ පතා තිබුණේ මෙහෙමයි.
“එකිනෙකා හුස්ම ගන්නා
හඬක්වත් නොඇසෙන,
බිඳී වැටෙන කඳුලක
සෙවනැල්ලක්වත් නොපෙනෙන,
මේ තරම් වියළි යුගයක…
අගාධයේ අඳුරුම පතුලට ගිලෙද්දිත්
‘ආදරයේ අත’ අත නොහැර,
සෙනෙහස රැඳුණු
කිසිදු තැනක්
අසීරුම මොහොතවල් වලදී
කිසිදිනෙක අත් නොහළ,
ප්‍රේමය නම් මෙයැයි…
ඒ අනෙකාව වටහා ගැනීමයි!
අනෙකාව දාරාගැනීමයි!
අනෙකාව පිළිගැනීමයි!
අනෙකාට ඉඩදීමයි!
මට යළි යළිත් පසක් කළ…
සුවිශාලම උණුසුම්ම නිදහස්ම
හදවතක් ගැහෙන
මගේම චාපුට,
සුබම සුබ උපන්දිනයක්…!”
– ශබ්බූ.
😍