ශ්‍රී ලංකා කණ්ඩායමේ ප්‍රධානතම වේගපන්දු යවන්නා වන දුෂ්මන්ත චමීරට එළඹෙන ආසියානු කුසලාන තරගාවලියට එක්වීම අවිනිශ්චිත වී තිබෙනවා.
ඒ, ඔහුට ඇති වූ වළලුකර ආබාධයෙන් තවමත් සුවය ලබා නොමැති වීම හේතුවෙන්.
මේ අතර ශ්‍රී ලංකා සංචිතයට නම්කර සිටි වේග පන්දු යවන්නන් වන බිනුර ප්‍රනාන්දු සහ කසුන් රාජිත ආබාධ හේතුවෙන් 2022 ආසියානු කුසලාන ක්‍රිකට් තරඟාවලියෙන් ඉවත් කර තිබෙනවා.
ඔවුන් වෙනුවට වේග පන්දු යවන්නන් ලෙස අසිත ප්‍රනාන්දු සහ ප්‍රමෝද් මධුෂාන් සංචිතයට එක්කර ඇති බවයි වාර්තා වුණේ.
