තලෙයිමන්නාරම ප්‍රදේශයේ දී ඝාතනයට ලක් වූ 10 හැවිරිදි දැරියකගේ මළ සිරුරක් සොයාගෙන තිබෙනවා.
ඊයේ (15) පස්වරුවේ හෝ රාත්‍රියේ මෙම ඝාතනය සිදුව ඇති බවයි තලෙයිමන්නාරම පොලිසිය පවසන්නේ.
විමර්ශන සිදුකරන පොලිස් නිලධාරීන් පැවසුවේ අදාළ දැරිය ඝාතනය කිරීමට පෙර දූෂණය කර ඇති බවට සැකයක් පවතින බවයි.
දැරිය තම නිවස ආසන්නයේ වෙළඳසැළකට ගොස් නැවත නිවසට නොපැමිණීම සම්බන්ධයෙන් ඇයගේ ඥාතීන් සිදුකළ සොයා බැලීමක දී ඇයගේ මළ සිරුර මෙලෙස සොයාගෙන තිබෙනවා.
මෙම සිද්ධිය සම්බන්ධයෙන් සැකපිට පුද්ගලයෙක් මේ වනවිට අත්අඩංගුවට ගෙන ඇති බවයි පොලිසිය වැඩිදුරටත් සඳහන් කළේ.
දැරියගේ මළ සිරුර සම්බන්ධයෙන් මහේස්ත්‍රාත් පරීක්ෂණය සිදුකිරීමෙන් අනතුරුව එය පශ්චාත් මරණ පරීක්ෂණ සඳහා මන්නාරම රෝහලට යොමු කිරීමට නියමිත බවයි වාර්තා වුණේ.
මෙම සිදුවීම සම්බන්ධයෙන් පොලිසිය අද (16) පස්වරුවේ නිකුත් කළ මාධ්‍ය නිවේදනය පහතින්.
