ලංකා T10 තරගාවලියේ දී තරග පාවාදීමේ චෝදනාවට ලක් වී ගෝල් මාවල්ස් කණ්ඩායමේ හිමිකරු ඇප මත නිදහස් කිරීමට
කොළඹ ප්‍රධාන මහේස්ත්‍රාත් තිළිණ ගමගේ මහතා අද (20) නියෝග කළා.
ඒ, අනුව ඔහුව රුපියල් මිලියන පහේ ශරීර ඇප 02ක් සහ රුපියල් ලක්ෂ පහක මුදල් ඇප මත නිදහස් කිරීමටයි ප්‍රධාන මහේස්ත්‍රාත්වරයා නියෝග කර සිටියේ.
ඊට අමතරව සැකකරුට ඇප ලබාදීමට පෙර අධිකරණයට හමුවේ ඔහුගේ විදෙස් ගමන් බලපත්‍රය භාරකරන ලෙසත් නියෝග කළා.
එමෙන්ම ඔහුට සෑම බදාදා දිනකම පෙරවරුවේ කොළඹ සුගතදාස ක්‍රීඩාංගණයේ පිහිටි ක්‍රීඩා වැරදි වැළක්වීමේ විශේෂ පොලිස් ඒකකය හමුවේ පෙනී සිටින ලෙස ද කොළඹ ප්‍රධාන මහේස්ත්‍රාත්වරයා මෙහිදී ඇප කොන්දේසි පනවනු ලැබුවා.
මෙම නඩුව ලබන ජනවාරි 27 වනදා යළි කැඳවීමතයි මහේස්ත්‍රාත්වරයා නියෝග කරනු ලැබුවේ.
මීට අමතරව ඔහු ශ්‍රී ලංකාවේ රැඳී සිටින කාලය තුළ ඔහු රැඳී සිටින ස්ථානය පිළිබඳව සවිස්තරාත්මක වාර්තාවක් ද අධිකරණයට ලබාදෙන ලෙසයි දන්වා සිටියේ.
ලංකා T10 තරගාවලියේ දී සිය කණ්ඩායම නනියෝජනය කළ බටහිර ඉන්දීය කොදෙව් ක්‍රීඩකයෙකු තරග පාවාදීමට පොළඹවා ගැනීමට කටයුතු කළ බවට වූ පැමිණිල්ලක් මත මෙම සැකකරුව පසුගිය දා 12 වැනිදා එම සැකකරුව අත්අඩංගුවට ගෙන තිබුණා.
