2022 ජූලි පළමු වැනි දින බොරලන්ද නගරයේ සිදුකළ ගොවි විරෝධතාවක් වෙනුවෙන් චෝදනා ලැබ සිටි ජාතික ජන බලවේගයේ විධායක සභික සමන්ත විද්යාරත්න, සමස්ත ලංකා ගොවිජන සම්මේලනයේ ජාතික සංවිධායක නාමල් කරුණාරත්න ඇතුළු චූදිතයින් 11 දෙනෙකු නිදොස් කොට නිදහස් කිරීමට වැලිමඩ මහේස්ත්රාත් පී. ජයසේකර මහතා අද (07) දින නියෝග කර තිබෙනවා.
දසත ප්රාදේශීය වාර්තාකරු පැවසුවේ; එවකට රජය මගින් පනවන ලද රසායනික පොහොර තහනමට එරෙහිව චූදිතයින් බොරලන්ද නගරයේ විරෝධතාවක නිරත වූ බවයි.
වෑන් රථයක වේදිකාවක් තනාගෙන ශබ්ද විකාශන යන්ත්ර භාවිත කරමින් නීතිවිරෝධී රැස්වීමක සාමාජිකයින්ව සිටිමින් රැස්වීමක් පැවැත්වීම, කොරෝනා රෝගය පැතිරවීමට අනුබල දීම, සෞඛ්ය නීතිරීති උල්ලංඝනය යන චෝදනායි චූදිතයින් හට බෝගහකුඹුර පොලිසිය විසින් එල්ල කරන ලද්දේ.
අධිකරණ තීන්දුව ලබාදෙමින් විනිසුරුවරයා පවසා ඇත්තේ; පොලිසිය මගින් චූදිතයින්ට නගා ඇති චෝදනා සාධාරණ සැකයකින් යුතුව ඔප්පු කිරීමට නොහැකි ව ඇති බවයි.
එබැවින් සියලු චූදිතයින් නිදොස් කර නිදහස් කරන ලෙස ද දැනුම්දුන්නා.
