Rajapura Handi Oil
Rajapura Diabetic Powder

ගොඩ ගැසූ එක්ස්ප්‍රස් පර්ල් සුන්බුන්වලින් හෙලි වු අලුත්ම අනාවරණය

ගිනි ගැනීමට ලක්වූ එක්ස්ප්‍රස් පර්ල් නෞකාවෙන් වෙරළට ගොඩ ගසා ඇති සුන්බුන්වල විකිරණශීලී ද්‍රව්‍ය නොමැති බවට අනාවරණ වී ඇතැයි ශ්‍රී ලංකා පරමාණුක බලශක්ති නියාමන කොමිෂන් සභාව පවසනවා.

එහි අධ්‍යක්ෂ ජනරාල් අනිල් රංජිත් කියා සිටියේ නැවෙන් එක්රැස් වූ සුන්බුන් සහිත වෙරළේ ස්ථාන කිහිපයකදී බාහිර විකිරණ මට්ටම පරීක්ෂා කිරීම සිදුකළ බවයි.

එමෙන්ම, සුන්බුන්, ප්ලාස්ටික් කැටිති, වැලි සහ අපවිත්‍ර මුහුදු ජල සාම්පල එක්රැස් කර පරීක්ෂාවට ලක් කළ බවයි ඔහු සඳහන් කළේ.

මීගමුව – මාඔයේ සිට පානදුර දක්වා මුහුදු ප්‍රදේශයේ ධීවර කටයුතුවල නිරත වීම වළක්වාලමින් පනවා ඇති තහනම නැවත දැනුම් දෙන තුරු තවදුරටත් ක්‍රියාත්මක බව ධීවර දෙපාර්තමේන්තුව යළි අවධාරණය කරනවා.

කෙසේ වෙතත්, එම දෙපාර්තමේන්තුව සදහන් කළේ අදාළ තහනම ක්‍රියාත්මක මුහුදු ප්‍රදේශය හැර සෙසු මුහුදු ප්‍රදේශවල ධීවර කටයුතුවල නිරතවීමට කිසිදු බාධාවක් නොමැති බවයි