ගතවු පැය 24 තුළ දිවයින පුරා මෙහෙයුම්වලින් අපරාධකරුවන් 703 දෙනෙකු අත්අඩංගුවට ගෙන තිබෙනවා.
දිවයින පුරා සිදුකළ මෙහෙයුම්වල දී අත්අඩංගුවට ගත් පිරිස අතර මත්ද්‍රව්‍ය වැරදි සම්බන්ධ සැකකරුවන් 525ක් සහ අපරාධ අංශ වෙත යොමු කළ ලැයිස්තුවේ සිටි සැකකරුවන් 178ක් ඇතුළත්.
හෙරොයින් ග්‍රෑම් 204ක් අයිස් ග්‍රෑම් 118ක්, ගංජා කිලෝ 03 ග්‍රෑම් 100ක්, ගංජා පැල 2,840ක්, මාවා කොලෝ 03 ග්‍රෑම් 190ක්, මදනමෝදක ග්‍රෑම් 77ක් සහ මත්පෙති 477ක් ද මෙම වැටලීම්වල දී පොලිස් භාරයට ගෙන ඇති බව සඳහන්.
මත්ද්‍රව්‍ය වැරදි සම්බන්ධයෙන් අත්අඩංගුවට ගත් සැකකරුවන් 525 දෙනා අතරින් සැකකරුවන් 01කට රැදවුම් නියෝග මත වැඩිදුර විමර්ශන සිදුකරන අතර මත්ද්‍රව්‍යවලට ඇබ්බැහිවුවන් 06 ක් පුනරුත්ථාපනය සඳහා යොමු කර තිබෙනවා.
පොලිස් මත්ද්‍රව්‍යනාශක කාර්යංශය සහ පොලිස් විශේෂ කාර්යංශයේ ලැයිස්තුවේ සිටි සැකකරුවන් 04 ක්ද අත්අඩංගුවට ගත් පිරිස අතර සිටියී.
එසේම, අපරාධ අංශවෙත යොමු කළ ලැයිස්තුවේ අත්අඩංගුවට ගත් සැකකරුවන් 178 දෙනා අතරින් මත්ද්‍රව්‍ය වැරදි සම්බන්ධව විවෘත වරෙන්තු නිකුත්ව සිටි සැකකරුවන් 11ක් සහ මත්ද්‍රව්‍ය නොවන වැරදි සම්බන්ධව විවෘත වරෙන්තුකරුවන් 156 ක්ද ඒ අතරට අයත්.
ඇඟිලි සටහන් මාධ්‍යයෙන් හදුනාගෙන අත්අඩංගුවට ගෙන නොමැතිව සිටි සැකකරුවන් 02ක් සහ අපරාධවලට අවශ්‍ය කර සිටි සැකකරුවන් 09ක් ද මෙම මෙහෙයුම්වල දී අත්අඩංගුවට ගෙන තිබෙනවා.
