”ගුවන් හමුදා භටයෙක් නාඳුනන පිරිසක් විසින් පැහැරගෙන ගොස් පහරදෙයි” යනුවෙන් සමාජ මාධ්යයේ පසුගිය දා පළ වූ පුවත සම්බන්ධයෙන් ශ්රී ලංකා ගුවන් හමුදාව විසින් පැහැදිළි කිරීමක් සිදුකර තිබෙනවා.
අදාල සිදුවීම සම්බන්ධයෙන් විමර්ශනයක් ආරමිභ කළ අතර එහි දී එම හමුදා සෙබළා පවසා ඇත්තේ නිවාඩු ගොස් ආපසු එමින් සිටිය දී තමාව වෑන් රථයකින් පැහැරගෙන ගොස් අත් පා ගැට ගසා ගසක බැඳ පහර දී මරා දමන්නට උත්සාහ කළ බවයි.
මෙහිදී ඔහු විසින් ලබාදුන් ප්රකාශය සහ කරුණු සොයා බැලීමේදී තොරතුරුවල පරස්පර තාවක් ඇති බවට අනාවරණය වී තිබෙනවා.
ඔහු අසල තිබූ දමිළ භාෂාවෙන් ලියූ පුවරුව පිළිබඳ සැකයක් මතු වීම හේතුවෙන්ද ඒ පිළිබඳව පරීක්ෂණ සිදු කරනු ලැබූ පොලිස් නිලධාරීන් හට එය ලියා ඇත්තේ දෙමළ භාෂාව සම්බන්ධ පරිචයක් නොමැති පුද්ගලයෙකු බවයි වැටහී ඇත්තේ.
ඒ, ඔස්සේ විමර්ශනය ඉදිරියට සිදු කරගෙන යාමේදී මෙම ක්රියාව ඔහු විසින්ම සිදු කර ඇති බවට අදාල ගුවන් හමුදා සෙබළා පිළිගෙන තිබෙනවා.
අදාල සිද්ධිය සම්බන්ධයෙන් ශ්රී ලංකා ගුවන් හමුදාව නිකුත් කළ නිවේදනය පහතින්..
