කටුනායක ගුවන්තොටුපොළ සහ කොළඹ වරාය තුළ ඉදිරියේදී ඇති විය හැකි වසංගත සහ බෝවන රෝග වැනි හදිසි තත්වයන් සදහා මුහුණ දීමට හැකි වන පරිදි ඒවායේ යටිතල පහසුකම් ශක්තිමත් කිරීම සදහා ජපානය විසින් ඇමෙරිකානු ඩොලර් මිලියන 8.4 ක් වටිනා උපකරණ ප්රදානය කිරීමේ උත්සවයක් අද (10) කටුනායක ගුවන්තොටුපොළ සිල්ක් රූට් මගී පර්යන්තයේදී පැවැත්වුනා.
මෙම උපකරණ පරිත්යාග කිරීම සඳහා ජාත්යන්තර සංක්රමණිකයන් සඳහා වූ සංවිධානය ජපාන රජය වෙත යෝජනා හා නිර්දේශ ඉදිරිපත් කර තිබුණා.
කටුනායක ගුවන්තොටුපොළ සහ කොළඹ වරාය වෙත ගමන් මලු සහ සම්පූර්ණ සිරුරු පරීක්ෂා කළ හැකි අධි තාක්ෂණික පරිලෝකන යන්ත්ර, මුහුණු හදුනා ගැනීමේ පද්ධතිවලින් සමන්විත ස්වයංක්රීය ප්රත්යන්ත පාලන ගේට්ටු, ඉලෙක්ට්රොනික විදේශ ගමන් බලපත්ර පරීක්ෂා කිරීමේ යන්ත්ර, ගුවන් මගීන් සහ කාර්යය මණ්ඩලයන්හි පහසුව සඳහා ස්පර්ශයෙන් තොර සන්වේදක මත ක්රියාත්මක සනීපාරක්ෂක උපාංගයන්ගෙන් සමන්විත සුහුරු වැසිකිළි 150 ක්, අපද්රව්ය බැහැර කිරීමට සහ සෞඛ්ය වෛද්ය සේවාවන් සදහා අත්යවශ්ය වෛද්ය උපකරණ මෙම පරිත්යාග අතරට අයත් වනවා.
