ගුද මාර්ගයේ සඟවා ගෙන පැමිණි අයිස් මත්ද්රව්ය සමග තරුණයින් සිව්දෙනෙකු පොලිස් අත්අඩංගුවට ගෙන තිබෙනවා.
දසත ප්රාදේශීය වාර්තාකරු පැවසුවේ කොළඹ සිට වැල්ලවායට අධිවේගී බස් රථයක් මගින් මෙම මත්ද්රව්ය ගෙන යමින් සිටියදියි සැකකරුවන් කොටුකර ගත් බවයි.
කලක සිට මෙම සැකකරුවන් බස් රථ හරහා සිය ගුද මාර්ගවල සඟවා ගෙන කොළඹ සිට වැල්ලවායට අයිස් මත්ද්රව්ය ප්රවාහනය කිරීමේ ජාවාරමක නිරත වූවන් බව හෙළි ව තිබෙනවා.
තණමල්විල මූලස්ථාන පොලිසිය සඳහන් කළේ සොයාගත් අයිස් මත්ද්රව්ය තොගයේ වටිනාකම රුපියල් ලක්ෂ 10කට අධික බවයි.
සැකකරුවන් වයස අවුරුදු 20-30 අතර වැල්ලවාය, ඇතිලිවැව ප්රදේශයේ පදිංචිකරුවන්.
මෙම සැකකරුවන් සන්තකයේ අයිස් මත්ද්රව්ය ග්රෑම් 12යි මිලි ග්රෑම් 300ක් තිබී සොයාගැනුණා.
සැකකරුවන් ව වැල්ලවාය මහේස්ත්රාත් අධිකරණයට ඉදිරිපත් කිරීමට නියමිතයි.
