දිනකට පෙර අතුරුදන් වූ වයෝවෘද්ධ අවිවාහක පුද්ගලයෙකුගේ මළසිරුරක් ගුංගමුව ඇළෙන් හමු ව තිබෙනවා.
බණ්ඩාරගම පොලිසිය පැවසුවේ 88 හැවිරිදි ගුංගමුව – ගල්පොත්තවත්ත හි පදිංචි ව සිටි හේරැස් සිංඤෝ නමැත්තෙකු මෙලෙස මියගොස් ඇති බවයි.
සිය ඥාති පුතෙකුට අයත් ගවයකු බලා කියාගැනීමේ කටයුතු සිදු කළ මෙම තැනැත්තා ගවයින් රැගෙන යමින් සිටි අවස්ථාවක දී ඇළට ඇද වැටෙන්නට ඇතැයි විශ්වාස කෙරෙනවා.
ගවයා පමණක් නිවසට පැමිණීමත් සිය ඥාතියා නිවසට නොපැමිණීමත් සම්බන්ධයෙන් ඥාතීන් හා අසල්වාසීන් සමග එදින රාත්රී සොයා බැලුව ද කිසිදු තොරතුරක් සොයා ගැනීමට හැකි වී නැහැ.
ඊයේ (29) සවස අසල්වාසියකු ගුංගමුව ඇළ අසලට යාමේ දී අතුරුදන්ව සිටි පුද්ගලයාගේ සිරුර ඇළෙහි පාවෙමින් තිබෙනු දැක මේ බව පොලිසිය වෙත දැනුම්දීමට පියවර ගැනුණා.
මෘත ශරීරය සම්බන්ධයෙන් පශ්චාත් මරණ පරීක්ෂණය සිදු කිරීමට නියමිත අතර සිරුර හොරණ මූලික රෝහලේ තැන්පත් කර තිබෙනවා.
