ගිනිගත්හේන නගරයේ හැටන් සිට කොළඹ දක්වා ධාවනය කරනු ලබන බස් රථ නවතන ස්ථානය මේ වන විට මරු කපොල්ලක් බවට පත් වීමෙන් බස් මගීන්ගේ ජීවිත ද අවදානම් තත්ත්වයට පත්ව තිබෙනවා.
ගිනිගත්හේන බස් නැවතුම්පොළ ඉදිරිපිට දැඩි බැවුම් ප්රදේශයක් අසළ මෙසේ හැටන්, කොළඹ බස් රථ නතර කිරීමත් සමග මෙම තත්ත්වය උදා වී ඇති බව අප වාර්තාකරු සඳහන් කළා.
මෙම තත්ත්වය පිළිබඳව අදහස් දක්වන ගිනිගත්හේන ප්රදේශයේ පිරිසක් පවසන්නේ, හැටන්, කොළඹ බස් රථ නතර කරන ස්ථානය දැඩි බැවුම් ප්රදේශයක් බැවින් මෙම ස්ථානයේ රැඳී සිටින බස් මගින්ගේ ජිවිත අවදානම් තත්වයකට පත්ව ඇති බවයි.
එම තත්ත්වයන් පිළිබඳව අවදානය යොමු කර මෙම ස්ථානයට ආරක්ෂිත වැටක් ඉදි කිරීමට හෝ බස් නැවතුම්පොළ වෙනත් ස්ථානයකට රැගෙන ගොස් හෝ බස් මගීන්ගේ ජිවිත සුරක්ෂිත කිරිමට පියවර ගන්නා ලෙසයි එම පිරිස් අදාල බලධාරින්ගෙන් ඉල්ලා සිටින්නේ.
