ගෑස් මිල ඉහළ දැමීමක් සිදුවුව ද ආහාර පානවල මිල ඉහළ දැමීමක් සිදු නොකරන බව සමස්ත ලංකා ආපනශාලා හිමියන්ගේ සංගමය තීරණය කර තිබෙනවා.
එම සංගමය ඊයේ (05) පස්වරුවේ රැස්වී මෙම තීරණය ගත් බවයි එහි සභාපති අසේල සම්පත් සඳහන් කළේ.
අත්‍යවශ්‍ය භාණ්ඩවල මිල අඩුවීමේ වාසිය පසුගිය කාලය තුළ පාරිභෝගිකයා වෙත නොලැබීම සලකා බලා ඔවුන්ට තවත් පීඩනයක් එතැයි අපේක්ෂාවෙන් මිල වැඩි කිරීමක් සිදු නොකළ බවයි සභාපතිවරයා වැඩිදුරටත් සඳහන් කළේ.
මේ අතර ගෑස් මිල ඉහළ දැමීමක් සිදුකළ ද බේකරි නිෂ්පාදනවල මිල ඉහළ දැමීමක් සිදු නොකරන බව සමස්ත ලංකා බේකරි හිමියන්ගේ සංගමය ද සඳහන් කර සිටියා.
ඊයේ (05) මධ්‍යම රාත්‍රියේ සිට ක්‍රියාත්මකවන පරිදි ගෑස් මිල ඉහළ දැමීමට ලිට්‍රෝ සමාගම තීරණය කළා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
1
