නතර කර තිබූ ලොරි රථයක් ගැබිණි කාන්තාවක් සමග ප්‍රපාතයකට පෙරළීමෙන් එම කාන්තාව තුවාල ලබා දික් ඔය මූලික රෝහලට ඇතුළත් කර තිබෙනවා.
දසත ප්‍රාදේශීය වාර්තාකරු පැවසුවේ මෙම අනතුර අද (05) දහවල් සිදු ව ඇත්තේ හැටන් – බගවන්තලාව ප්‍රධාන මාර්ගයේ දික්ඔය මුලික රෝහල ආසන්නයේ දි බවයි.
නතර කර තිබු ලොරි රථය ගැබිණි කාන්තාව සමග මාර්ගයෙන් ඉවතට ඇදී ගොස් අඩි 20ක් පමණ ප්‍රපාතයකට පෙරළී ගොස් තිබෙනවා.
අනතුර සිදුවන අවස්ථාවේ දී ගැබිණි කාන්තාව අසුන් ගෙන සිට ඇත්තේ ලොරියෙහි ඉදිරිපස අසුනේ යි.
ගැබිණි කාන්තාව සායන කටයුතු සඳහා ලොරි රථයෙන් ඇයගේ සැමියා විසින් රෝහල වෙත රැගෙනවිත් සායන කටයුතු අවසන් වීමෙන් පසු ලොරි රථය නතර කර තිබු ස්ථානයට ගොස් ගැබිණි කාන්තාව ලොරි රථයේ අසුන් ගැනීමත් සමග එය ධාවනය වී තිබෙනවා.
ඒ රියදුරු රථයට ගොඩවීමටත් පෙරයි.
නෝර්වුඩ් පොලිසිය පැවසුවේ රියදුරු ලොරි රථයේ අත් තිරිංගය ක්‍රියා නොකිරීම නිසා මෙම අනතුර සිදු ව ඇති බවයි.
අනතුරෙන් ලොරි රථයට දැඩි අලාභ හානි සිදු වී තිබෙනවා.
