ගාසා තීරයේ හමාස් සහ අනෙකුත් සන්නද්ධ කණ්ඩායම් “සම්පූර්ණ නිරායුධකරණය” සඳහා සාම මණ්ඩලය එකඟතාවයකට පැමිණ ඇති බව ඇමරිකානු ජනාධිපති ඩොනල්ඩ් ට්රම්ප් පවසනවා.
Truth Social සමාජ මධ්යයේ පළ කළ සටහනකින් ට්රම්ප් සඳහන් කළේ, මෙය ඊශ්රායල සහ ගාසා යුද්ධය අවසන් කිරීම සඳහා යෝජනා කර ඇති “Trump 20-Point Plan” ක්රියාත්මක කිරීමේ වැදගත් සන්ධිස්ථානයක් බවයි.
මේ අතර ගාසා තීරයේ සම්පූර්ණයෙන්ම නිරායුධ කිරීමේ සාම මණ්ඩලයේ සැලැස්මට ඔවුන් එකඟ වී ඇති බවත්, නිල ප්රකාශයක් ඉක්මනින් නිකුත් කරන බවත් හමාස් සංවිධානයේ ජ්යෙෂ්ඨ නිලධාරියෙක් විදෙස් මාධ්ය වෙත පවසා තිබෙනවා.
නිරායුධකරණය අවසන් වූ පසු ඊශ්රායලය ගාසා තීරයෙන් ඉවත් වන බව ට්රම්ප් පැවසූ අතර, ගිවිසුම නව පලස්තීන රජයක් විසින් අවසානයේ ගාසා තීරය පාලනය කිරීම සඳහා තීරණාත්මක පියවරක් ලෙසයි හඳුන්වනු ලැබුවේ.
ඇමරිකා එක්සත් ජනපද මැදිහත් වූ ගාසා සටන් විරාම සැලැස්මේ දෙවන අදියරට හමාස් සංවිධානය නිරායුධකරණය ඇතුළත් වන අතර, දෙවන අදියරට ගාසා තීරය ප්රතිසංස්කරණය කිරීම ද ඇතුළත්.
මේ අතර මෙම එකඟතාව සඳහා මැදිහත් වූ ඊජිප්තුව, කටාර් සහ තුර්කියට ද ට්රම්ප් ජනාධිපතිවරයා සිය ස්තුතිය පළ කර තිබෙනවා.
