ඊශ්රායලය සිය සමීපතම සගයා වන ඇමරිකා එක්සත් ජනපදය විසින් මෙහෙයවන ලද කරුණු 15 කින් යුත් ගාසා සාම සැලැස්ම නිල වශයෙන් ප්රතික්ෂේප කර තිබෙනවා.
හමාස් සංවිධානය නිරායුධ කරන බවත්, ඊශ්රායල හමුදා ගාසාවෙන් අදියර වශයෙන් ඉවත් වන ලෙසත් එම සැලැස්ම මගින් ඉල්ලා සිටිනවා.
කෙසේ වෙතත් ඊශ්රායල අගමැති බෙන්ජමින් නෙතන්යාහු පවසන්නේ හමාස් සංවිධානය සම්පූර්ණයෙන්ම නිරායුධ කරන තුරු ඊශ්රායල හමුදා ඉවත් වීමක් සිදු නොවන බවයි.
ඊශ්රායල හමුදාවන්ට සහ පුරවැසියන්ට එරෙහි තර්ජන මැඩපැවැත්වීම දිගටම කරගෙන යනු ඇති බව සඳහන් කරන නෙතන්යාහු, ඊශ්රායලය මෙම ගැටලුව පිළිබඳව ඇමරිකානුවන් සමඟ කතා කරන බවයි පවසන්නේ.
පසුගිය ජූලි 30 වන දින ඩොනල්ඩ් ට්රම්ප් “ඓතිහාසික” ගිවිසුමක් ප්රකාශයට පත් කළ අතර එයට ගාසා තීරයේ හමාස් සහ අනෙකුත් සියලුම සන්නද්ධ කණ්ඩායම් සම්පූර්ණයෙන් නිරායුධ කිරීම ඇතුළත්.
එය “කල්පවත්නා සාමය සහ ආරක්ෂාව සඳහා වූ ස්මාරක පියවරක්” ලෙසයි ඩොනල්ඩ් ට්රම්ප් හඳුන්වනු ලැබුවේ.
