වසර 15ක් පමණ ගාල්ල කොටුව කොඩිගල සිට ත්‍රාසජනක ලෙස මුහුද පනින ක්‍රියාවේ නිරත වූ තරුණයින්ට කොඩිගල සිට මුහුදට පනින අඩි 03ක පමණ කොටස පුරාවිද්‍යා සංරක්ෂණ කටයුතු හේතුවෙන් ගල් බැම්මකින් ආවරණය කිරිම නිසා ඊයේ (10) සිට එම ක්‍රියාවේ නිරත විමට නොහැකි බව ඔවුන් සඳහන් කර සිටිනවා.
මේ සම්බන්ධයෙන් ගාලු කොටුව සංරක්ෂණ ව්‍යාපෘතියේ නිරත උපායමාර්ගික සංවර්ධන අමාත්‍යාංශයේ බලධාරීන්ගෙන් විමසිමකදි ඔවුන් පැවසුවේ ලෝක බැංකු ආධාර යටතේ මෙම ව්‍යාපෘතිය ක්‍රියාත්මක වන නිසා ඒ අනුව මෙම ස්ථානයේද සංරක්ෂණ කටයුතු සිදුකරන බවයි.
දිවි පරදුවට තබා තරුණයින් පිරිසක් රැකියාවට පනින මෙම මාරක පිම්ම ලංකාවේ පමණක් නොව ලෝකයෙත් ජනප්‍රියය.
ගාලුකොටුපවුර මත පිහිටි ඉපැරණි ප්‍රදිපාගාරය අසල කොඩිගල මත සිට අසංක, චතුර බුද්ධික හා ලක්ෂිත යන මිතුරන් තිදෙනා කරණම් ගසමින් මුහුදට පනිති.
මුහුදට පනිනු ලබන ස්ථානය දෙස් විදෙස් සංචාරකයින් අතර ජනප්‍රිය ස්ථානයකි.
මෙම ස්ථානය කොඩිගල යනුවෙන් මිට පෙර හැදින්වුවද මේ වනවිට එම ස්ථානය ගාලු කොටුවේ ජම්පින් සෙන්ටර් යනුවෙන් වැඩිදෙනෙක් හඳුන්වති.
අඩි 42ක උසක සිට කරණම් ගසමින් අසංකලා කරනු ලබන මෙම පැනිල්ල දැක බලා ගැනිම සදහා දෙස් විදෙස් සංචාරකයින් දක්වන්නේ දැඩි කැමැත්තක් දක්වනු ලබනවා. එමෙන්ම විදේශිය රටවල හමුදා ප්‍රධානින් ඇතුළු ප්‍රභුවරු ද මෙම පැනිම දැකබලා ගැනිම සදහා ගාලුකොටුපවුර මතට පැමිණ ඇත.
පවුලේ බඩවියත ගැට ගසාගැනිම සඳහා මෙම තරුණයින් විසින් කරනු ලබන මෙම පැනිල්ල අවදානම් වුවත් එය ඔවුන්ට නම් ත්‍රාසජනක හෝ අවදානම් දෙයක් නොවේ. මේ සඳහා එක්වී සිටින තරුණයින් එම පැනිමට හොද පළපුරුදුකාරයන් පමණක් නොව ඔවුන් දක්ෂ කිමිදුම්කරුවන්ය.
කෙසේ වුවත් ඔවුන්ට ඊයේ සිට එම ත්‍රාසජනක ක්‍රියාවේ නිරත වීමට ඉඩ නොලැබෙනු ඇත.
If they (divers) like to continue thrie performs then they should be given the opportunity in the Old DUTCH fortress. No need to change their sports abilities being carried out for many years like an adventurous sport to entertain visitors. On the other hand that has been their money earnings event. So the govt should not interfere with such skilled person’s sport. No need a barrier to their performances.🇱🇰👹💯👨🎓
JEEWATH WENNA MEE WAGEE DEYAK KARANNE WENA MAARGAYAK NATHI NISAA NAM OHUTA RAKIYAAWAK LABAA DUNNOTH???
EYA OHUGEE JEEWITHA AARAKSHAAWATA HONDAI… NEEDA??