ග්රෑන්ඩ්පාස් පොලිස් වසමේ මුවදොර උයන මහල් නිවාස සංකීර්ණයේ දී කාන්තාවක් සහ පිරිමි පුද්ගලයෙකු කැපුම් තුවාල සහිතව කොළඹ ජාතික රෝහලට අද (05) අලුයම් කාලයේ ඇතුළත් කර තිබෙනවා.
එහිදී තුවාලකාරිය වෛද්යවරුන් පරීක්ෂා කිරීමේ දී මියගොස් ඇති බවයි පොලිසිය සඳහන් කළේ.
මියගිය කාන්තාව වයස අවුරුදු 60ක තැනැත්තියක් වන අතර, තුවාල ලබා ඇති පිරිමි පුද්ගලයා වයස අවුරුදු 26ක තැනැත්තෙක්.
මියගිය කාන්තාවගේ සැමියා සමඟ ඇති වූ ආරවුලක් හේතුවෙන් ඇයගේ සැමියා විසින් මෙම ඝාතනය සිදුකර ඇති බවයි පොලිසිය පවසන්නේ.
මෙම ආරවුලට මැදි වූ අනෙක් පුද්ගලයාට ද මියගිය කාන්තාවගේ සැමියා තියුණු ආයුධයකින් පහර දී ඇති බවයි සිදුකළ විමර්ශනවල දී අනාවරණය වී ඇත්තේ.
සිද්ධියට සම්බන්ධ සැකකරු ප්රදේශයෙන් පලාගොස් ඇති අතර, ඔහුව අත්අඩංගුවට ගැනීමට විමර්ශන සිදුකරන බව පොලිසිය වැඩිදුරටත් පැවසුවා.
