ග්‍රාම නිලධාරීන් අද (10) සහ හෙට (11) දිනවල දී අසනීප නිවාඩු දමා සේවයට වාර්තා නොකිරීමේ වෘත්තීය ක්‍රියාමාර්ගයට එළඹීමට තීරණය කර තිබෙනවා.
ගමන් වියදම් දීමනාව ඉහළ නොදැමීම සහ තවත් ඉල්ලීම් කිහිපයක් මුල් කරගනිමින් දිවයින පුරා සිටින ග්‍රාම නිලධාරීන් මෙම වෘත්තීය ක්‍රියාමාර්ගයට එළඹෙන බවයි ග්‍රාම නිලධාරී වෘත්තිය සමිති සන්ධානය සඳහන් කළේ.
එම සංගමයේ සභාපති නන්දන රණසිංහ ඊයේ (09) පැවැති මාධ්‍ය හමුවකට එක්වෙමි සඳහන් කළේ, ග්‍රාම නිලධාරීන් සඳහා දෙනු ලබන රුපියල් 600ක ගමන් වියදම් දීමනාව වසර 08ක් පුරාවට ඉහළ දැමීමක් සිදු නොකර ඇති බවයි.
