මාතර බන්ධනාගාරයේ G හා F යන වාට්ටු මතට අසල තිබූ බෝ ගසක අත්තක් කඩා වැටී සිදු වූ හදිසි අනතුරකින් එක් රැඳවියෙකු මියගොස් තවත් දස දෙනෙකු තුවාල ලබා රෝහල්ගත කර තිබෙනවා.
ඊයේ (01) රාත්රී 10.30ට පමණ මෙම අත්ත කඩා වැටී ඇති බවයි වාර්තා වන්නේ.
මෙම අනතුරින් මියගොස් ඇත්තේ 34 හැවිරිදි මිදිගම – තුර්කි ගම්මානයේ පදිංචි ව සිටි වීරරත්න විජේනායක ආරච්චිපටබැඳිගේ හසන් චන්නක යන අයයි.
රැඳවියාගේ දේහය මේ වනවිට මාතර මහ රෝහලේ තැන්පත් කර තිබෙනවා.
මාතර බන්ධනාගාරයේ රැඳවියන් 480 දෙනෙකු රඳවා තිබෙන අතර රැඳවියන් පිරිසක් වෙනත් බන්ධනාගාරයකට මාරු කර යැවීමට අවශ්ය මූලික කටයුතු සිදුවෙමින් ඇතැයි බන්ධනාගාර පාලනාධිකාරිය පවසනවා.
බන්ධනාගාරයේ අවට ආරක්ෂාවට යුද හමුදා, පොලිස් විශේෂ කාර්ය බලකාය හා පොලිස් නිලධාරින් යොදවා ආරක්ෂාව තර කර තිබෙන බවත් සඳහන්.
