Rajapura Handi Oil
Rajapura Diabetic Powder

ගම් වැදුණු වනඅලින් දෙදෙනෙක් කැලෑවක කොටුවෙයි

පවතින දැඩි වියළි කාලගුණ තත්ත්වය හා වී වගාවේ අස්වැන්න නෙළීමෙන් පසු වන අලින්ට ආහාර හිඟ වීම නිසා සෝමාවතිය ජාතික වනෝද්‍යාන කලාපයේ සිට කිලෝමීටර් 20කට ආසන්න දුරකින් පිහිටි තමන්කඩුව ප්‍රාදේශීය ලේකම් කොට්ඨාසයට අයත් ශාන්තිපුර ගම්මානයට වනඅලින් දෙදෙනෙක් පැමිණ තිබෙනවා.

එම හේතුවෙන් ගම්මානයේ ජනතාව භීතියෙන් පසුවන බවයි අප වාර්තාකරු සඳහන් කරන්නේ.

වන අලින් දෙදෙනා පලවා හැරීම වනජීවී නිලධාරීන් විසින් අද (04) දිනයේ සිදුකරන බව වාර්තා වනවා.

එහිදී එම ගම්මානයේ ජනතාවට ගමන් බිමන් සීමා කරන ලෙසත් වනජීවී නිලධාරීන් ජනතාවට දැනුම් දී තිබුණා.

සෝමාවතී හා පොළොන්නරුව වනජීවී කාර්යාලවල නිලධාරීන් මෙම මෙහෙයුම් සඳහා පැමිණ ඇති අතර මෙම ප්‍රදේශයේ ආරක්ෂාව සඳහා පොළොන්නරුව පොලිස් ස්ථානයේ පොලිස් නිලධාරීන්ද යොදවා තිබෙනවා.