අද (19) පෙරවරුවේ කොළඹ – අලුත්කඩේ අංක 05 මහේස්ත්රාත් අධිකරණයේ සිදු වූ වෙඩි තැබීමෙන් ජීවිතක්ෂයට පත් වූ ප්රබල අපරාධ කල්ලි නායක ගනේමුල්ල සංජීව නමැත්තා ව ඝාතනයට පැමිණි වෙඩික්කරු පසුගියදා දෙහිවල – වටරප්පල ප්රදේශයේ දී දෙදෙනකුට වෙඩි තැබූ වෙඩික්කරු බවට හඳුනාගෙන තිබෙනවා.
පොලිසිය පැවසුවේ මෙම වෙඩික්කරුට අද දිනයේ දී ගිනි අවිය ලබාදෙමින් සහාය ලබා දුන් කාන්තාව මත්ද්රව්ය ජාවාරමේ නිරත අයෙක් බවට හෙළි ව ඇති බවයි.
එමෙන්ම සිද්ධියට සම්බන්ධ සැකකරුවන් රටින් පලා යෑම වැළැක්වීමට අවශ්ය සියලු ම නීතිමය ක්රියාමාර්ග ආගමන හා විගමන දෙපාර්තමේන්තුව මෙන් ම ගුවන් තොටුපොළ වෙත දැනුම්දී අවසන් බව ද පොලිස් මාධ්ය ප්රකාශකවරයා පැවසුවා.
අද පෙරවරුවේ ගනේමුල්ල සංජීව නමැති අපරාධකරු නඩු කටයුත්තක් සඳහා ගාල්ල – බූස්සේ බන්ධනාගාරයේ සිට පැමිණියා.
ඒ දැඩි පොලිස් ආරක්ෂාව සහ විශේෂ කාර්යය බලකාය මධ්යයේයි.
මියගිය චූදිතයාගේ ආරක්ෂාව සඳහා ද පොලිස් නිලධාරීන් 12 දෙනෙකු රඳවා සිට තිබෙනවා.
