කොළඹ – අලුත්කඩේ මහේස්ත්රාත් අධිකරණයේ දී ඊයේ (19) දින සංවිධානාත්මක අපරාධ කල්ලි නායක ගනේමුල්ල සංජීව නමැත්තාව ඝාතනය කළ වෙඩික්කරු අත් අඩංගුවට ගැනීමෙන් පසු ඔහු සන්තකයේ තිබී හමුවූ බවට පැවසෙන නීතිඥ සංගමය විසින් නිකුත් කරන ලදැයි පැවසෙන නීතිඥ හැඳුනුම්පත ශ්රී ලංකා නීතිඥ සංගමයෙන් නිකුත් නොකරන ලද්දක් බව එම සංගමය විශේෂ නිවේදනයක් නිකුත් කරමින් සඳහන් කරනවා.
ශ්රී ලංකා නීතිඥ සංගමයේ ලේකම් චතුර ඒ. ගල්හේන මහතාගේ අත්සනින් යුතුව මෙම නිවේදනය නිකුත් කර ඇති අතර එහි දැක්වෙන්නේ අදාළ හැඳුනුම්පතෙහි සඳහන් සියලු කරුණු පිළිබඳ ව කළ පරීක්ෂාවේ දී එම නමින් කිසිදු නීතිඥවරයෙකු තම සංගමය යටතේ ලියාපදිංචි වී නොමැති බවයි.
එමෙන්ම එහි දැක්වෙන නීතිඥ සංගමයේ ලේකම්වරයාගේ අත්සන වෙනත් ස්ථානයකින් උපුටාගෙන කූඨ ලෙස සැකසූ ව්යාජ හැඳුනුම්පතක් බවට ද මේ වනවිට හෙළි ව තිබෙන බවත් නිවේදනයේ සඳහන්.
ඒ අනුව එකී හැඳුනුම්පත ශ්රී ලංකා නීතිඥ සංගමය විසින් නිකුත් කරන ලද හැඳුනුම්පතක් නොවන අතර එහි ඇති කිව් ආර් කේතය ද ව්යාජ එකක් බවත් එහි ඇති ඡායාරූපය හෝ තොරතුරු ඇතුළත් කිසිදු සාමාජිකයෙක් නීතිඥ සංගමයේ නොමැති බවත් ශ්රී ලංකා නීතිඥ සංගමය වැඩිදුරටත් නිවේදනය කරනවා.
කොහොමද මේවා හදන්නේ..? මේවා පිටුපස ඉන්න බලවත් එවුන් සොයන්න ඕනේ නැද්ද..?