දිවයින පුරා ගතවූ පැය 24ක් කාලය තුළ සිදු කළ මෙහෙයුම්වලදී සැකකරුවන් 987 දෙනෙකු අත්අඩංගුවට ගෙන තිබෙනවා.
මත්ද්‍රව්‍ය වැරදි සම්බන්ධ සැකකරුවන් 663ක් සහ අපරාධ අංශ වෙත යොමු කළ ලැයිස්තුවේ සිටි සැකකරුවන් 324ක් ඊට අයත්.
මත්ද්‍රව්‍ය වැරදි සම්බන්ධ අත්අඩංගුවට ගත් සැකකරුවන් 663 දෙනා අතරින් 12 දෙනෙකු රැඳවුම් නියෝග මත වැඩිදුර විමර්ශන සිදු කරනවා.
වත්කම් විමර්ශන 05ක් සහ මත්ද්‍රව්‍යවලට ඇබ්බැහිවුවන් 14 ක් පුනරුත්තාපනය සඳහා යොමු කර ඇති බවයි පොලිසිය සඳහන් කළේ.
පොලිස් මත්ද්‍රව්‍ය නාශක කාර්යංශය සහ පොලිස් විශේෂ කාර්යංශයේ ලැයිස්තුවේ සිටි සැකකරුවන් 14ක් ද අත්අඩංගුවට පත්වූවන් අතර වනවා.
අපරාධ අංශ වෙත යොමු කළ ලැයිස්තුව අනුව අත්අඩංගුවට ගත් සැකකරුවන් 324 දෙනා අතරින් මත්ද්‍රව්‍ය වැරදි සම්බන්ධව විවෘත වරෙන්තු නිකුත්ව සිටි සැකකරුවන් 90ක් සහ මත්ද්‍රව්‍ය නොවන වැරදි සම්බන්ධව විවෘත වරෙන්තුකරුවන් 222ක් ද සිටින බව සඳහන්.
එමෙන්ම ඇඟිලි සටහන් මාධ්‍යයෙන් හඳුනාගෙන අත්අඩංගුවට ගෙන නොමැතිව සිටි සැකකරුවන් 11ක් සහ අපරාධවලට අවශ්‍ය කරන සැකකරුවෙක් ද මෙහෙයුම්වලදී අත්අඩංගුවට ගෙන තිබෙනවා.
මෙම පැය 24ක කාලය තුළ හෙරොයින් කිලෝ 270ක්, අයිස් ග්‍රෑම් 140ක්, ගංජා කිලෝ 18 යි ග්‍රෑම් 358ක්, ගංජා පැල 27,242ක්, මාවා ග්‍රෑම් 552ක්, මදන මෝදක ග්‍රෑම් 175ක්, තූල් ග්‍රෑම් 52ක් සහ මත්පෙති 1,080ක් ද සොයාගෙන තිබෙනවා.
