කොළඹ දිස්ත්රික්කය තුළ ගංවතුර තත්ත්වයක් ඇතිවීමට හේතු වූ කරුණු සොයා බලා සියලු ග්රාම නිලධාරී කොට්ඨාස ආවරණය වන පරිදි වාර්තාවක් ලබාදෙන ලෙසට ජ්යේෂ්ඨ ජනාධිපති උපදේශක මාණ්ඩලික ප්රධානී සාගල රත්නායක උපදෙස් දී තිබෙනවා.
ජනාධිපති මාධ්ය අංශය සඳහන් කළේ දිස්ත්රික් ලේකම්වරුන් සමග සාකච්ඡාවකට එක්වෙමින් මාණ්ඩලික ප්රධානිවරයා මෙම උපදෙස් දුන් බවයි.
ඒ අනුව ගංවතුර ඇතිවීම පිළිබඳ ව වාර්තාව සති දෙකක් තුළ දී ලබාදීමට කටයුතු කරන ලෙසට ද දැනුම්දී තිබෙනවා.
සති දෙකක් තුළ සැකසූ මූලික වාර්තාව ජනාධිපති ලේකම් කාර්යාලය වෙත ලබාදෙන ලෙසට දැනුම්දුන් අතර ඊයේ (26) මෙම දැනුම්දීම ජනාධිපති කාර්යාලයේ දී සිදු කෙරුණා.
ඒ පසුගිය දිනවල පැවති අයහපත් කාලගුණික තත්ත්වය හමුවේ කොළඹ දිස්ත්රික්කය තුළ ගංවතුර තත්ත්වයක් ඇතිවීමට හේතු වූ කරුණු හඳුනාගෙන ඊට විසඳුම් සෙවීම සඳහා රේඛීය ආයතන ප්රධානීන් සමග සිදු කළ සාකච්ඡාවේ දීයි.
