පැවති අයහපත් කාලගුණික තත්ත්වය හේතුවෙන් නිල්වලා ගඟ පිටාර ගලා ඇතැම් පහත් බිම් ප්රදේශ යට වී තිබෙනවා.
මේ හේතුවෙන් එම ප්රදේශ පසුකර ඡන්ද මධ්යස්ථාන වෙත ගමන් කිරීමට සිදුවන ඡන්ද දායකයින්ට කිසිදු ගැටලුවකින් තොරව එම ඡන්ද මධ්යස්ථාන වෙත යාමට අවශ්ය ආරක්ෂිත පහසුකම් සලසා ඇති බවයි අතුරලිය ප්රාදේශීය ලේකම් නිරෝෂා ගමගේ මහත්මිය ප්රකාශ කළේ.
අකුරැස්ස – සියඹලාගොඩ මාර්ගය, පානදුගම ප්රදේශයෙන් යට වී තිබෙනවා.
මේ හේතුවෙන් නිල්වලා උස්සාන කාර්යාල ඡන්ද මධ්යස්ථානය වෙත ඡන්ද දායකයින් රැගෙන යාමට අතුරලිය ප්රාදේශීය සභාවේ ට්රැක්ටර් රථයක් යොදා තිබෙන බවයි වාර්තා වන්නේ.
එමෙන්ම අගලකඩ පුරාණ විහාරස්ථානයට යන මාර්ගය ද ගංවතුරින් යටවීම නිසා ට්රැක්ටර් රථ 02කින් ජන්ද දායකයන් ප්රවාහනය කිරීමට පියවර ගෙන තිබෙනවා.
