තණමල්විල, නිකවැව ප්‍රදේශයේ ගංජා හේනක් වටලා එය අයත් පුද්ගලයන්ගෙන් රුපියල් ලක්ෂ 05ක අල්ලස් මුදලක් ලබාගත් බවට සැකපිට අත්අඩංගුවට ගැනුණු පොලිස් නිලධාරීන් හතරදෙනා ඇප මත නිදහස් කර තිබෙනවා.
ඒ සැකකාර පොලිස් සැරයන්වරු දෙදෙනා සහ කොස්තාපල්වරුන් දෙදෙනා අද (17) වැල්ලවාය මහෙස්ත්‍රාත් අධිකරණය වෙත ඉදිරිපත් කිරීමෙන් අනතුරුවයි.
එහිදී එක් අයෙකුට රුපියල් පනස්දහස බැගින් මුදල් ඇපයක් සහ රුපියල් ලක්ෂ දෙක බැගින් වූ ශරීර ඇප දෙකක් මත ඔවුන්ව මුදාහැර තිබෙනවා.
මෙලෙස අත්අඩංගුවට ගෙන අධිකරණය වෙත ඉදිරිපත් කරනු ලැබුවේ මොණරාගල කොට්ඨාශ දූෂණ මර්දන අංශයට අනුයුක්තව සේවය කරන පොලිස් නිලධාරීන් හතරදෙනෙක්.
සිද්ධිය සම්බන්ධයෙන් තණමල්විල මූලස්ථාන පොලිසිය ඉදිරි විමර්ශන සිදු කරනු ලබනවා.
