මෝටර් රථයකින් කේරළ ගංජා ප්‍රවාහනය කරමින් සිටි ලිසිං සමාගමක ණය නිලධාරියකු නොරෝච්චෝල පොලිසිය ඉලන්තඩිය ප්‍රදේශයෙදි අද(25) අත්අඩංගුවට ගෙන තිබෙනවා.
මෙලෙස අත්අඩංගුවට පත්ව ඇත්තේ, ප්‍රසිද්ධ ලිසිං සමාගමක ආණමඩුව ශාඛාවේ ණය නිලධාරීයකු බවයි පොලිසිය පවසන්නේ.
සැකකරු 40 හැවිරිදි ආණමඩුව පදිංචිකරුවකු බව සඳහන්.
එම නිලධාරියා ගමන්ගත් මෝටර් රථයේ රියදුරු අසුන හා අනෙක් ඉදිරිපස අසුන්වල කිසිවකුට සැක නොසිතන අයුරීන් මෙම ගංජා තොගය සඟවා තිබියදී සොයා ගෙන තිබෙනවා.
එහි රුපියල් ලක්ෂ 20කට ආසන්න කේරළ ගංජා කිලෝ හයයි ග්‍රෑම් 500ක ප්‍රමාණයක් තිබූ බවයි පොලිසිය සඳහන් කළේ.
