ඛලිස්තාන් අන්තවාදීන් විසින් වොෂිංටන් ඩී සී හි මහත්මා ගාන්ධි තුමාගේ ප්‍රතිමාවේ ඛලිස්තාන් ධජ සහ බෙදුම්වාදයේ සංකේත ඔසවමින් අපහාස කර ඇතැයි ඉන්දීය මාධ්‍ය වාර්තා කරනවා.
පසුගිය ඔක්තෝබර් 1 වැනිදා යෙදී තිබුණු ගාන්ධි ජයන්ති සැමරුමේ දී මෙය සිදුව ඇති බවයි පැවසෙන්නේ.
සාමයේ සහ අවිහිංසාවේ ගෝලීය සංකේතයකට එල්ල වූ මෙම ප්‍රහාරය භාෂණයේ නිදහස සේ සලකා ඉවසිය යුතු නැතැයි ඉන්දීය විශේෂඥයින් අවධාරණය කරනවා.
වොෂින්ටනයේ ඛලිස්තාන් අන්තවාදීන්ගේ ක්‍රියා හුදු ලෝකඩ ප්‍රතිමාවකට අගෞරව කිරීමක් නොව ඒවා ගාන්ධිතුමන් පෙනී සිටි මූලධර්මවලට හා ඉන්දියාව සහ එක්සත් ජනපදය අතර ජාත්‍යන්තර සබඳතාවල අසමගිය වැපිරීමට දරන උත්සාහයක් බව ද ඉන්දීය මාධ්‍ය පවසනවා.
