මින්නේරිය සහ කවුඩුල්ල ජාතික වනෝද්යාන නිජ භූමිය කරගත් ‘කෝලිය’ නමින් හඳුන්වන ඇතා අභිරහස් ලෙස මිය ගොස් සිටිය දී සොයාගෙන තිබෙනවා.
මෙම ඇතා වසර 25ක් පමණ කාලයක් මින්නේරිය සහ කවුඩුල්ල ජාතික වනෝද්යාන ආශ්රිතව ජිවත් වූ සත්වයෙන් බවයි තොරතුරු වාර්තා වුණේ.
මින්නේරිය, රොටවැව ඇල රක්ෂිත කලාපයේ තිබී ඊයේ (06) මෙම සත්වයාගේ මළ සිරුර සොයාගෙන ඇති අතර, මීට දින හයකට පමණ පෙර කෝලිය ඇතා මිය ගන්නට ඇති බවයි සැක පළකරන්නේ.
වයස අවුරුදු 25ක් වන මෙම සත්වයා උස අඩි අටක් පමණ වනවා.
මෙම සත්වයාගේ දළ දෙකෙන් එකක් අඩි 04යි අගල් 04ක් පමණ වන අතර, අනෙක් දළය අඩි 04යි අගල් 06 ක් පමණ දිගකින් යුක්තයි.
මියගිය සත්වයාගේ පශ්චාත් මරණ පරීක්ෂණ කටයුතු ගීරිතලේ වන ජීවී පශු වෛද්ය රෝහලේ වෛද්ය කණ්ඩායම් සිදුකර ඇති අතර, මිය යාමට හේතුව තවමත් අනාවරණය කර නැහැ.
