රුපියල් නව කෝටි අට ලක්ෂයක් පමණ වටිනා කොකේන් මත්ද්රව්ය තොගයක් ගමන් මල්ලක සඟවා ගෙන පැමිණි ගුවන් මගියෙක් කටුනායක ගුවන්තොටුපොළේ දී අත්අඩංගුවට ගෙන තිබෙනවා.
අද (18) උදෑසන මෙලෙස රේගු මත්ද්රව්ය පාලන අංශයේ නිලධාරීන් පිරිසක් විසින් අත්අඩංගුවට ගෙන ඇත්තේ මැලේසියාවේ සිට පැමිණි ගුවන් මගියෙක්.
මොහු 23 හැවිරිදි සැකකරු මැලේසියාවේ ආපනශාලාවක සේවය කරන අයෙක්වන අතර, ඔහු වෙත මැලේසියානු රිංගිට් 10,000ක් ලබාදීමේ පොරොන්දුව මත මෙම මත්ද්රව්ය තොගය මොහු අතේ මෙරටට ඒවා ඇති බවයි අනවරණය වී ඇත්තේ.
මොහු මෙම මත්ද්රව්ය තොගය මැලේසියාවේ ක්වාලාලම්පූර් නුවරින් රැගෙන, ඩුබායි වෙත පැමිණ, එතැන් සිට එමිරේට්ස් ගුවන් සේවයේ ඊ.කේ.- 650 දරණ ගුවන් යානයෙන් අද (18) පෙරවරු 9.30ට කටුනායක ගුවන්තොටුපොළ වෙත පැමිණ තිබුණා.
එහිදී ඔහු විසින් රැගෙන ආ ගමන් මල්ල තුළ චොකලට්, ටොෆී අඩංගු භාජන 03ක මෙම කොකේන් කිලෝ ග්රෑම් 01 ග්රෑම් 816ක් කරල් 92ක් ලෙස සකස් කර සූක්ෂම ලෙස අසුරා සඟවාගෙන රැගෙනවිත් තිබිය දී රේගු මත්ද්රව්ය පාලන අංශයේ නිලධාරීන් විසින් සොයා ගැනුණා.
සැකකාර ගුවන් මගියා සහ කොකේන් මත්ද්රව්ය තොගය වැඩිදුර විමර්ශන කටයුතු සදහා කටුනායක ගුවන් තොටුපොළ පොලිස් මත්ද්රව්ය කාර්යාංශයේ නිලධාරීන් වෙත භාරදීමට පියවර ගෙන තිබෙනවා.
