රුපියල් හය කෝටි පනස් හත් ලක්ෂ හැටදහසක් වටිනා කොකේන් මත්ද්රව්ය තොගයක් සමඟ ඉන්දීය ජාතික කාන්තාවක් කටුනායක ගුවන් තොටුපොළේ දී අත්අඩංගුවට ගෙන තිබෙනවා.
ගුවන් තොටුපොළ පොලිස් මත්ද්රව්ය කාර්යාංශයේ නිලධාරීන් විසින් අදාළ කාන්තාව අද (06) අලුයම අත්අඩංගුවට ගෙන ඇති බවයි වාර්තා වුණේ.
29 හැවිරිදි වියේ පසුවන මෙම ඉන්දීය ජාතික කාන්තාව අද දින අලුයම 02.14ට ඉන්දියාවේ චෙන්නායි නුවර සිට ඉන්ඩිගෝ ගුවන් සේවයට අයත් ගුවන් යානයකින් කටුනායක ගුවන් තොටුපොළ වෙත පැමිණ තිබෙනවා.
පොලිස් මත්ද්රව්ය කාර්යාංශයේ නිලධාරීන් වෙත ලැබී තිබූ බුද්ධි තොරතුරු මත මෙම අත්අඩංගුවට ගැනීම සිදුකර ඇති අතර , ඇය විසින් රැගෙන ආ ගමන් බෑගයේ ව්යාජ පතුළක පොලිතින් ඇසුරුම් තුළ ඔතා කොකේන් මත්ද්රව්ය කිලෝ 01 යි ග්රෑම් 644ක් සඟවා තිබිය දී සොයාගෙන තිබෙනවා.
අත්අඩංගුවට ගත් මෙම කාන්තාව සිදුකළ අනාවරණයක් මත මෙම මත්ද්රව්ය තොගය භාරගැනීම සඳහා සූදානමින් සිටි මෙරට පුද්ගලයෙක්, ඇයට නවාතැන් ගැනීම සදහා සූදානම් කර තිබූ කොළඹ , කොල්ලුපිටිය ප්රදේශයේ හෝටලයක් අසළ රැදී සිටියදී
අද (06) පස්වරුවේ අත්අඩංගුවට ගෙන ඇති බවයි වාර්තා වුණේ.
එලෙස අත්අඩංගුවට ගැනුණු පුද්ගලයා ප්රදේශයේ පදිංචි 50 හැවිරිදි ව්යාපාරිකයෙක්.
අත්අඩංගුවට ගත් සැකකරුවන් දෙදෙනා අද (06) දින මීගමුව මහේස්ත්රාත් අධිකරණය වෙත ඉදිරිපත් කර රඳවා තබාගෙන ප්රශ්න කිරීමට අවසර ලබාගැනීමට නියමිතයි.
