රුපියල් කෝටි ගණනක් වටිනා කොකේන් මත්ද්රව්ය තොගයක් ගුලි ලෙස සකස් කර ඒවා ගිලදමා පැමිණි අප්රිකානු ජාතික කාන්තාවක් ඊයේ (07) රාත්රියේ කටුනායක ගුවන් තොටුපොළේ දී රේගු මත්ද්රව්ය පාලන අංශයේ නිලධාරීන් විසින් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ අවුරුදු 54ක ඇංගෝලා ජාතික ගුරුවරියක් බවයි වාර්තා වුණේ.
ඇය එච්.අයි.වී. ආසාදිත කාන්තාවක් බව රේගුව හමුවේ ප්රකාශ කර තිබෙනවා.
ඇය කොකේන් මත්ද්රව්ය ගුලි 50ක් පමණ ගිල දමා ඇංගෝලාවෙන් ඉතියෝපියාවේ අඩිස්අබාබා නුවර වෙත පැමිණ තිබුණා.
පසුව ඇය එතැන් සිට කටාර් රාජ්යයේ දෝහා වෙත පැමිණ , කටාර් ගුවන් සේවයේ කිව්.ආර් – 654 දරණ ගුවන් යානයෙන් ඊයේ (17) කටුනායක ගුවන් තොටුපොළට පැමිණ තිබුණා.
වඩාත් තරබාරු ඇය රෝද පුටුවක ආධාරයෙන් කටුනායක ගුවන් තොටුපොළෙන් පිටවීමට තැත්කර තිබූ බවයි තොරතුරු වාර්තා වුණේ.
සැකකාරිය අත්අඩංගුවට ගත් ගුවන් තොටුපොළ රේගු නිලධාරීන් මේ පිළිබද වැඩිදුර විමර්ශන කටයුතු සදහා කටුනායක ගුවන් තොටුපොළ පොලිස් මත්ද්රව්ය කාර්යාංශයේ නිලධාරීන් වෙත භාර දී තිබෙනවා.
ඒ, අනුව ඔවුන් වහාම මෙම කාන්තාවගේ උදරයේ ඇති කොකේන් මත්ද්රව්ය ගුලි පිටතට ගැනීම සදහා මීගමුව රෝහල වෙත ඇතුළත් කිරීමටයි පියවර ගෙන ඇත්තේ.
එහිදී ඇයගේ උදරයේ තිබී කොකේන් මත්ද්රව්ය ගුලි 33ක් පිටතට ගෙන ඇති අතර, මීගමුව මහ රෝහලේ වෛද්යවරුන් තව දුරටත් විරේක බෙහෙත් ලබාදෙමින් උදරයේ ඉතිරිව ඇති මත්ද්රව්ය ගුලි පිටතට ගැනීමට ප්රයත්න දරමින් සිටින බවයි වාර්තා වන්නේ.
