කෝච්චි පාරේ රෙදි වේලෙන්න දැමූ කාන්තාවක් දුම්රියේ ගැටී ජිවිතක්ෂයට

දුම්රිය මන්තීරු දෙක මැද කළුගල් මත සෝදා වේලා ගැනීමට තමා තිබූ රෙදි ගැනීමට ගිය තිදරු මවක් බෙලිඅත්ත දුම්රියේ ගැටී ජීවිතක්ෂයට

කළුතර උතුර, කැලිඩෝ පාර හන්දිය ප්‍රදේශයේ දී මරදානේ සිට බෙලිඅත්ත බලා ධාවනය වූ රාත්‍රී දුම්රියක ගැටීමෙන් 29 හැවිරිදි තිදරු මවක් ජීවිතක්ෂයට පත්ව තිබෙනවා.

එම කාන්තාවගේ නිවස ඉදිරිපිට දී මෙම අනතුර සිදුව ඇති බවයි වාර්තා වන්නේ.

එම කාන්තාව විසින් ඇයගේ නිවාස ඉදිරිපිට දුම්රිය මාර්ගයේ මන්තීරු දෙකෙහි මැද කොටසේ ඇති කළුගල් මත රෙදි සෝදා, වේලෙන්නට දමා තිබූ රෙදි කිහිපයක් නැවත ලබා ගැනීමට ගොස් තිබූ අවස්ථාවේ දී දුම්රිය ගැටී මෙම අනතුර සිදුව තිබෙනවා.

අනතුර සම්බන්ධයෙන් කළුතර උතුර පොලිසිය විසින් වැඩිදුර විමර්ශන සිදු කරනු ලබනවා.