බණ්ඩාරවෙල නගරයේ බස් නැවතුම්පොල අසල දී බස් රථයක් තුළ තිබී ජීව පතරොම් 123ක් පොලිස් භාරයට ගෙන තිබෙනවා.
කොළඹ සිට බදුල්ල බලා ධාවනය වෙමින් තිබූ බස් රථයක් ඊයේ (22) දහවල් බණ්ඩාරවෙල නගරයේ දී පරීක්ෂා කිරීමේ දී මෙම ජීව පතරොම් තොගය සොයාගැනීමට හැකි වූ බවයි පොලිසිය සඳහන් කළේ.
මෙම පතරොම් අතර පිස්තෝල පතරොම් 113ක්, ටී56 පතරොම් 09ක් හා ටී 56 එල්එම්ජී පතරොමක් ඇති බවයි පොලිසිය වැඩිදුරටත් පැවසුවේ.
මෙම පතරොම් බස් රථයේ ගමන්මළු රඳවනය තුළ තිබූ බෑගයක් තුළ කුඩා යකඩ පෙට්ටියක බහා තිබිය දී සොයාගෙන තිබෙනවා.
අදාළ පතොරම් තොගය බස් රථය තුළට ගෙන ආ පුද්ගලයා සොයා පොලිස් විමර්ශන ක්රියාත්මකයි.
මේ අතර හබරාදූව පොලිස් වසමේ වැල්ලෙගෙවත්ත ප්රදේශයේ නිවසක් පරීක්ෂා කිරීමේ දී අවි ආයුධ කිහිපයක් සොයා ගෙන
තිබෙනවා.
එහිදී විදේශ රටක නිෂ්පාදිත රිවෝල්වර අවියක්, මෙරට නිෂ්පාදිත රිවෝල්වර් අවියක්, පිස්තෝල පතරොම් 02ක් හා කඩු 02ක් සොයගත් බවයු පොලිසිය සඳහන් කළේ.
මේ සමඟ වයස අවුරුදු 26ක සැකකාරියක් ද පොලිසිය විසින් අත්අඩංගුවට ගෙන ඇති බවයි වාර්තා වුණේ.
අත්අඩංගුවට ගත් සැකකාරිය වැල්ලෙගෙවත්ත ප්රදේශයේ පදිංචිකාරියක්.
