කොළඹ මහ නගර සභාවේ මංගල සැසිවාරය අද (16) පැවැත්වීමට නියමිතව තිබෙනවා.
ඒ, නාගරික කොමසාරිස් පාලිත නානායක්කාරගේ ප්රධානත්වයෙන්.
කොළඹ මහ නගර සභාවේ මංගල සැසිවාරය පෙරවරු 9.30ට ආරම්භ වන අතර, එහිදී කොළඹ මහ නගර සභාවේ මීළඟ පුරපතිවරයා තෝරා පත්කර ගැනීමට නියමිතයි.
කොළඹ මහ නගර සභාවේ පාලනය ලබාගැනීම සඳහා, ආසන 117න් අවම වශයෙන් ආසන 59ක් අවශ්ය වනවා.
කෙසේ වෙතත් නිමා වූ පළාත් පාලන මැතිවරණයේ දී කිසිඳු පක්ෂයකට හෝ ස්වාධීන කණ්ඩායමකට එහි බහුතරය ලබා ගැනීමට අවස්ථාව හිමි වුයේ නැහැ.
එහිදී ජාතික ජන බලවේගය කොළඹ මහ නගර සභාවේ වැඩිම ආසන සංඛ්යාවක් ලබාගනිමින් ආසන 48ක් ජයග්රහණය කළා.
සමගි ජන බලවේගය ආසන 29ක් දිනාගත් අතර, එක්සත් ජාතික පක්ෂය ආසන 13ක් හිමිකර ගත්තා.
ශ්රී ලංකා පොදුජන පෙරමුණ කොළඹ මහ නගර සභාවේ ආසන 05ක් ලබාගත් අතර, ශ්රී ලංකා මුස්ලිම් කොංග්රසය ආසන 04ක් දිනාගත්තා.
ස්වාධීන කණ්ඩායම් 03 ආසන තුනක් දිනාගත් අතර, ස්වාධීන කණ්ඩායම් 04 සහ 05 ආසන දෙක බැගින් ජයග්රහණය කළා.
මේ අතර කොළඹ මහ නගර සභාවේ පුරපති අපේක්ෂිකාව ලෙස ව්රායි කැලි බල්තසාර් නම් කිරීමට ජාතික ජන බලවේගය කටයුතු කර තිබෙනවා.
සමගි ජන බලවේගයේ සිය අපේක්ෂකයා ලෙස විරුද්ධ පක්ෂවල ද සහාය ඇතිව රීසා ෆාරුක් ඉදිරිපත් කරන බවයි සඳහන් කළේ.
කෙසේ වෙතත් කැබිනට් අමාත්ය ධුරයකටත් වඩා වැඩි බලයක් හිමිවන කොළඹ මහ නගර සභාවේ පුරපති තනතුර වෙනුවෙන් මේ වනවිට තියුණු සටනක් නිර්මාණය වී තිබෙනවා.
