ප්ලාස්ටික් කොස්සක සූක්ෂම ලෙස සඟවා රුපියල් ලක්ෂ 10ක පමණ වටිනාකමකින් යුත් මත්ද්රව්ය බන්ධනාගාරය තුළට යැවීමට තැත්කළ කාන්තාවක් අත්අඩංගුවට ගෙන තිබෙනවා.
පානදුර, අළුබෝමුල්ල ප්රදේශයේ පදිංචි 35 හැවිරිදි කාන්තාවක් කළුතර උතුර පොලිසිය මඟින් අත්අඩංගුවට ගෙන ඇති බවයි වාර්තා වුණේ.
සැකකාර කාන්තාව විසින් හෙරොයින්, අයිස්, හෂිස් සහ ඈෂ් මත්ද්රව්ය මෙලෙස ප්ලාස්ටික් කොස්ස සඟවා බන්ධනාගාරය තුළ යැවීමට උත්සාහ ගෙන තිබෙනවා.
කළුතර බන්ධනාගාරයේ රඳවා සිටින සිය සැමියා බැලීම සඳහා සැකකාරිය ඊයේ දිනයේ ආහාර පාන රැගෙන විත් ඒවා භාරදී තිබෙනවා.
පසුව සිර මැදිරිය ඇතුගෑම සඳහා බව පවසමින් ඇය ප්ලාස්ටික් කොස්සක් ගෙනවිත් දී ඇති බවයි වාර්තා වන්නේ.
එම කොස්ස පිළිබඳව ඇති වූ සැකය මත බන්ධනාගාර නිලධාරීන් එය පරීක්ෂා කිරීමේ දී ඒ තුළ ඉතා සූක්ෂම ලෙඅ සඟවා තිබූ මෙම මත්ද්රව්ය සොයාගෙන තිබෙනවා.
මෙම මත්ද්රව්ය බන්ධනාගාරය තුළදී අධික මිලකට විකිණීම සඳහාලබාදීමට රැගෙන විත් ඇති බවයි අනාවරණය ඇත්තේ.
සැකකාර කාන්තාව මත්ද්රව්ය ද සමඟ කළුතර උතුර පොලිසියට භාර දී ඇති අතර, ඇය කළුතර මහේස්ත්රාත් අධිකරණයට ඉදිරිපත් කිරීමට නියමිතව තිබුණා.
