කොස්ගොඩ පොලිස් වසමේ බොරලුකැටිය ප්‍රදේශයේ නිවසක තිබී අභිරහස් ලෙස මියගිය පුද්ගලයෙකුගේ මළ සිරුරක් ඊයේ (26) පස්වරුවේ සොයාගෙන තිබෙනවා.
අදාළ නිවස දින කිහිපයක සිට වසා තබා ඇති බවට නිරීක්ෂණය කළ එම නිවසේ අවට ජීවත්වන පුද්ගලයින් නිවස පරීක්ෂා කිරීමටයි කටයුතු කර ඇත්තේ.
එහිදී නිවසේ හිමිකරු මියගොස් බිම වැටී සිටි අයුරු දැක ඒ පිළිබඳව කොස්ගොඩ පොලිස් ස්ථානය වෙත දැනුම්දීමට කටයුතු කර තිබෙනවා.
ඉන්පසුව ඇල්පිටිය අපරාධ පරීක්ෂණාගාරයේ නිලධාරීන් පැමිණ මළසිරුර පරීක්ෂා කිරීමෙන් අනතුරුව පශ්චාත් මරණ පරීක්ෂණය සඳහා එය බලපිටිය මූලික රෝහල වෙත යොමු කිරීමට කටයුතු කළ බවයි දසත නිව්ස් වාර්තාකරු පැවසුවේ.
සිද්ධිය සම්බන්ධයෙන් කොස්ගොඩ පොලිසිය විමර්ශන සිදුකරනු ලබනවා.
