පාසල් දැරියක් කොවිඩ් ආසාදිතව මියගොස් ඇතැයි වාර්තා වේ.අද (31) දිනයේ මාධ්ය වෙත අදහස් දක්වමින් රිජ්වේ ආර්යා ළමා රෝහලේ අධ්යක්ෂ වෛද්ය ජී.විජේසූරිය මහතා මේ බව සඳහන් කළේය.
වැඩිදුරටත් අදහස් දැක්වු ඒ මහතා,
“අපිට ඊයේ දිනයේ දී වාර්තා වුණා, මහරගම ප්රදේශයෙන් අවුරුදු 11ක පමණ ගැහැණු දරුවෙක් කොවිඩ් ආසාදිතව මියගිය බවට. සම්පූර්ණ තොරතුරු අපිට තාම ලැබුණේ නෑ. යම්කිසි ප්රමාණයකට තරබාරු දරුවෙක් බවට තමයි අපිට වාර්තා වෙලා තියෙන්නේ. ඒ පිළිබඳව තවදුරටත් අපි කරුණු සොයාගෙන යනවා.
අපි කාරුණිකව ඉල්ලා සිටිනවා දෙමාපියන්ගෙන් තවමත් අවුරුදු 12ට අඩු පිරිසට එන්නත ලබාදෙන්නේ නෑ. එම දරුවන් මේ වනවිට පාසල් යනවා. රට විවෘතව පවතිනවා. දරුවන්ගේ යම්කිසි ආකාරයක රෝග ලක්ෂණ තියෙනවා නම් අනිවාර්යයෙන්ම වෛද්යවරයෙක් හමුවට රැගෙන ගොස් වෛද්ය උපදෙස් මත පමණක් නිවෙස්ගත ප්රතිකාර කරන්න. ඒ මාරවිල අපි හිතන්නේ, රෝහලට ඇතුළත් කර එක දිනක් ඇතුළත මියගොස් තිබෙනවා. පුළුවන් තරම් ඉක්මනින් රෝහල්ගත වෙන්න පුළුවන් නම්, ඒ වෛද්යවරු පරීක්ෂා කර බලලා තීරණය කරයි නිවෙස්ගත ප්රතිකාර ද නැතිනම් සංකූලතා තියෙනවා නම් යම් ප්රතිකාර ලබාදීම සඳහා. කිසිම කෙනෙක් රෝහලට යන්න බයවෙන්න එපා. රෝහල් පරිසරය ඉතාම සුරක්ෂිතව සුදානම් කරලා තියෙනවා.”
