ඉන්දියාවේ කොල්කටා නගරයේ රජයේ රෝහලක අභ්‍යාසලාභී වෛද්‍යවරියක් දූෂණය කර මරා දැමීම හේතුවෙන් එම රෝහලේ කනිෂ්ඨ වෛද්‍යවරු විසින් අධිකරණ නියෝග කඩ කරමින් අඛණ්ඩව විරෝධතාවයක් පවත්වා තිබෙනවා.
මේ වන විට එම දූෂණ සිද්ධිය සම්බන්ධයෙන් රෝහල් ස්වේච්ඡා සේවකයෙකු අත්අඩංගුවට ගෙන ඇති අතර කොල්කටාහි වෛද්‍යවරු පවසන්නේ තම ඉල්ලීම් ඉටු වන තුරු තමන් දැඩිව සිටින බවයි.
විරෝධතාකරුවන් ප්‍රාන්තයේ සෞඛ්‍ය දෙපාර්තමේන්තු මූලස්ථානයෙන් පිටත කඳවුරු පිහිටුවා ඇති අතර, ප්‍රධාන ඉල්ලීම් පහක් ප්‍රකාශ කරමින් විරෝධතා පවත්වා තිබෙනවා.
එම වෛද්‍යවරුන්ට සේවයට පැමිණීමට ශ්‍රේෂ්ඨාධිකරණය විසින් නියම කර තිබූ කාල සීමාව පසුගිය අඟහරුවාදා සම්මම්ත වී තිබුණා.
වර්ජනය අතරතුර වෛද්‍ය සේවාවන්ට ප්‍රවේශ නොවීම හේතුවෙන් පුද්ගලයින් 23 දෙනෙකු මියගොස් ඇති බවයි ප්‍රාන්ත රජය ප්‍රකාශ කරන්නේ.
එහෙත් හදිසි සේවාවලට බලපෑමක් සිදු නොවන බවට තමන් සහතික වන බව විරෝධතාවයේ නිරත වෛද්‍යවරු පවසනවා.
