මෙවර අයි.පී.එල්. තරගාවලියේ සුපිරි හතර වටයට සුදුසුකම් ලැබූ පළමු කණ්ඩායම බවට කොල්කටා නයිට්රයිඩර්ස් කණ්ඩායම පත් වුණා.
ඒ, ඊයේ (11) රාත්රියේ පැවති තරගයෙන් මුම්බායි ඉන්දියන්ස් කණ්ඩායම ලකුණු 18 කින් පරාජය කිරීමත් සමඟයි.
කොල්කටා නුවර ඊඩ්න් ගාර්ඩන් ක්රීඩාංගනයේ දී පැවති මෙම තරගය එක් පිළකට පන්දුවාර 16කට සීමා වුණේ තරගය ආරම්භ කිරීමට වර්ෂාවෙන් බාධා එල්ල වීම හේතුවෙන්.
ඒ, අනුව මෙම තරගයේ පළමුව පන්දුවට පහර දුන් කොල්කටා ක්රීඩකයින් නියමිත පන්දුවාර 16 තුළ කඩුලු 07ක් දැවී ලකුණු 157ක් රැස් කළා.
අනතුරුව ලකුණු 158ක ඉලක්කයක් හඹා ගිය මුම්බායි ඉන්දියන්ස් කණ්ඩායමට පන්දුවාර 16 තුළ කඩුලු 08ක් දැවී රැස්කර ගත හැකිවූයේ ලකුණු 139ක් පමණයි.
ඒ, අනුව මෙම තරගය ලකුණු 18 කින් ජයග්රහණය කළ කොල්කටා නයිට්රයිඩර්ස් කණ්ඩායම මෙවර තරගාවලියේ 09 වන ජයග්රහණය වාර්තා කළා.
කොල්කටා ක්රීඩකයින් මෙවර තරගාවලියේ සුපිරි හතර වටයට සුදුසුකම් ලබා ඇත්තේ, මූලික වටයේ මේ දක්වා තරග 12කට ක්රීඩා කර ඉන් තරග 09ක් ජයගෙනයි.
