කොරෝනා වසංගතය පැවති කාල සීමාව තුළ බලාත්මක කරන ලද අනිවාර්ය ආදාහන ප්රතිපත්තිය පිළිබදව මුස්ලිම් ප්රජාවගෙන් සමාව අයැද සිටින බව ජල සම්පාදන හා වතු යටිතල පහසුකම් සංවර්ධන අමාත්ය ජීවන් තොන්ඩමන් පවසනවා.
ගෝඨාභය රාජපක්ෂ රජය තුළ සිදුවූ එම සිදුවීම සම්බන්ධයෙන් විධිමත්ව සමාව ඉල්ලා කැබිනට් පත්රිකාවක් ඉදිරිපත් කරන බවයි ඔහු සදහන් කළේ.
අමාත්යවරයා එම අදහස් පළකලේ හැටන් නගරයේ පැවති වැඩසටහනකට එක් වෙමින්.
මෙහිදී වැඩිදුරටත් අදහස් දැක්වූ ඇමැති ජීවන් තොන්ඩමන් මහතා මෙසේද පැවසුවා.
” ජනාධිපති ගෝඨාභය රාජපක්ෂ මහතා යටතේ පැවැති රජය මෙම බලහත්කාරය නිර්මාණය කරන්නේ ලෝක සෞඛ්ය සංවිධානය ඇතුළු විද්යාත්මක මත කිහිපයක් ප්රතික්ෂේප කරමින්.මෙම ප්රතිපත්තිය මෙහෙයවනු ලැබුවේ කොරෝනා රෝහ්ස්යෙන් ජිවිතක්ෂයට භූමදානය කිරීමෙන් ජල සැපයුම් දූෂිත විය හැකි බවට පවසමින්.ශ්රී ජයවර්ධනපුර විශ්වවිද්යාලයේ ප්රවීණයන් විසින් මෙහෙයවන ලද අධ්යයනයකින් සහ පේරාදෙණිය විශ්වවිද්යාලයේ ජල තාක්ෂණ ඒකාබද්ධ පර්යේෂණ හා ප්රදර්ශන මධ්යස්ථානය විසින් කරන ලද නව විද්යාත්මක සොයාගැනීම් මගින් පසුගිය රජයේ ස්ථාවරය දැන් අභියෝගයට හා ප්රතික්ෂේප කරලා තියෙනවා. එය ජල සම්පාදන හා වතු යටිතල පහසුකම් සංවර්ධන අමාත්යාංශය යටතේ ඇති මධ්යස්ථානයක්. මේ පිළිබදව පර්යේෂණ කරන ලෙස ඇමැති ධූරය භාරගත් පසු මා උපදෙස් ලබා දුන්නා.
2021 වසරේ අගෝස්තු සහ දෙසැම්බර් අතර සිදු කරන ලද මෙම පර්යේෂණය ජලය හරහා වෛරස් සම්ප්රේෂණය වීමේ අවදානම තක්සේරු කිරීම ප්රදාන අරමුණු උනා. ඒ වගේම ජල තාක්ෂණ ඒකාබද්ධ පර්යේෂණ හා ප්රදර්ශන මධ්යස්ථානය විසින් සිදු කරන ලද විස්තීරණ සමාලෝචන අධ්යයනයක් මගින් කොරෝනා-ආසාදිත සිරුරු භූගත ජලය අපවිත්ර වීම කෙරෙහි ඇති කරන බලපෑම විශ්ලේෂණය කළා.
මෙම වසරේ ප්රකාශයට පත් කරන ලද මෙම සමාලෝචනය නිගමනය කළේ වසංගතය අතරතුර නිසි ලෙස සිදු කරන ලද භූමදානයන්ගෙන් භූගත ජලය දූෂණය වීමේ අවදානමක් නොමැති බවයි. මුද්රා තැබූ සිරුරු බෑග්වල ගැඹුරින් භූමදාන කිරීම ඇතුළුව නිසි මිහිදන් කිරීමේ ක්රියා පටිපාටි මගින් පරිසරය දූෂණය වීමේ ඕනෑම අවදානමක් ඵලදායී ලෙස අවම කර ගත හැකි බව අධ්යයනය අවධාරණය කර තිබෙනවා.මේ පරීක්ෂණ වාර්තා අනුව එකල රජය ගෙන තිබූ ප්රතිපත්ති ගැන අපට කනස්සල්ලක් තියෙනවා. ඒ නිසා බලහත්කාරයෙන් ආදාහනය කිරීමේ ප්රතිපත්තියෙන් මුස්ලිම් ප්රජාවට සිදු වූ හානිය සම්බන්ධයෙන් රජයෙන් විධිමත් සමාව අයැදීම සඳහා කැබිනට් පත්රිකාවක් ළඟදීම ඉදිරිපත් කිරීමට කටයුතු කරනවා. “
