වසංගත රෝග විද්යා අංශය ප්රකාශ කරන කොරෝනා ආසාදිතයන් සම්බන්ධ සංඛ්යාලේඛන වල ගැටලුවක් පවතින බව වෛද්ය රසායනාගාර විද්යාඥ වෘත්තියවේදීන්ගේ ආයතනය අද ප්රකාශ කළා.එහි සභාපති රවී කුමුදේශ් මේ බව කියා සිටියේ කොළඹ පැවති මාධ්ය හමුවකදීයි.මේ අතර, අදත් ආසාදිතයින් 567 දෙනෙකු සුවය ලබා පිටව යෑමත් සමඟ මෙරට සුවය ලැබූ සමස්ත කොරෝනා ආසාදිතයින්ගේ සංඛ්යාව 66,211 ක් දක්වා ඉහළ ගියා.
අද දිනයේදීත් ආසාදිතයින් 536 දෙනෙකු වාර්තා වී ඇති බවයි යුද හමුදාපති ජෙනරල් ශවේන්ද්ර සිල්වා සඳහන් කළේ.මේ අතර, විෂබීජහරණය කිරීම සඳහා මැතිවරණ කොමිෂන් සභාව අද සහ හෙට දිනවල වසා දැමීමට පියවර ගෙන තිබෙනවා.
ඒ, කොමිෂන් සභාවේ කාර්යාල කාර්ය සහයකයෙකුට කොරෝනා වෛරසය ආසාදනය වී ඇති බව තහවුරු වීමත් සමඟයි.එසේම, ඔරුගොඩවත්තේ පිහිටි ශ්රී ලංකා පරමාණුක බලශක්ති මණ්ඩලයේ කාර්ය මණ්ඩල සාමාජිකයින්, ආරක්ෂක භටයින් සහ සනීපාරක්ෂක සේවකයින් ඇතුළුව 41 දෙනෙකුට මේ දක්වා කාලය තුළ කොරෝනා වෛරසය ආසාදනය වී තිබෙනවා.ඒ හේතුවෙන් එම කාර්යාලයෙන් සිදුකෙරෙන සාමාන්ය කටයුතු තාවකාලිකව අත්හිටුවීමටයි පියවර ගෙන ඇති අතර, අත්යවශ්ය සේවා පමණක් පවත්වාගෙන යාමටයි පියවර ගෙන ඇත්තේ. අලව්ව නගරයේ සතිපොල ආශ්රිතව සිදුකළ පරීක්ෂණවලදී ද, ආසාදිතයින් 27 දෙනෙකු හඳුනාගෙන තිබෙනවා.
