කොදෙව් දැවැන්තයාගෙන් වාර්තා අතරේ ලියවෙන සුපිරි ශතකයක්

ජාත්‍යන්තර විස්සයි විස්ස තරගයක දී බටහිර ඉන්දීය කොදෙව් ක්‍රීඩකයෙක් රැස්කළ වේගවත්ම ශතකය වාර්තා කිරීමට කොදෙව් පිතිකරු ජොන්සන් චාර්ල්ස් අද (26) සමත් වුණා.

දකුණු අප්‍රිකාව සමඟ පැවැත්වෙන දෙවන විස්සයි විස්ස තරගයේ දී ඔහු මෙම දක්ෂතාව දැක්වීමට සමත් වූ අතර පන්දු 39ක් තුළ ඔහු මෙම ශතකය රැස් කළා.

මේ වනවිට පැවැත්වෙන තරගයේ දී පන්දු 46 කට මුහුණ දෙමින් ජොන්සන් චාර්ල්ස් ලකුණු 118ක් රැස් කිරීමට සමත් වුණා.

චාර්ල්ස්ගේ එම ඉනිමට දැවැන්ත හයේ පහර 11ක් සහ හතරේ පහර 10ක් ඇතුළත්.