කොටුව මහේස්ත්රාත් තිළිණ ගමගේ ඝාතනය කිරීමට තැත් කිරීමේ සිද්ධියක් සම්බන්ධයෙන් කඩිනම් විමර්ශන සිදුකරන ලෙස මහජන ආරක්ෂක අමාත්ය ටිරාන් අලස් විසින් පොලිස්පති දේශබන්දු තෙන්නකෝන්ට උපදෙස් ලබාදී තිබෙනවා.
කොටුව මහේස්ත්රාත්වරයාව ඝාතනය කිරීමට T 81 ග්රෙෙන්ට් දුරවිදිනයක් යොදාගනිමින් නාඳුනන තුවක්කුකරුවෙකු එල්ල කරන ලද ප්රහාරයක් සම්බන්ධයෙන් පරීක්ෂණයක් පවත්වන ලෙසයි උපදෙස් ලබා දී ඇත්තේ.
ඔත්තුකරුවෙකු විසින් යොමුකරන ලද ලිපියකට අනුව මෙම ඝාතන උත්සායට අදාළ තොරතුරු රැසක් අනාවරණය වී ඇති බව සඳහන්.
ඒ, අනුව මේ වන විටත් විශේෂ පරික්ෂණයක් ආරම්භ කර ඇති බවයි වාර්තා වන්නේ.
මහේත්ත්රාත් තිළිණගමගේව ඝාතනය කිරීමට සූදානම්වන පුද්ගලයා ලෙස සැකකෙරෙන අයෙකු තවත් පුද්ගලයෙකුගෙන් ගිනි අවියක් ලබාගැනීමට උත්සාහ කර ඇති අතර, අදාළ ගිනි අවිය ඔහු ලබාගන්නේ මහේත්ත්රාත්වරයා ඝාතනය කිරීමට බව ද එම පුද්ගලයා සදහන් කර ඇති බව සඳහන්.
තිළිණ ගමගේ මහේත්ත්රාත්වරයා පසුගිය දිනවල ලබාදුන් අධිකරණ තීන්දු ඔහුව මෙලෙස ඝාතනය කිරීමට සලසුම් කිරීමට හේතු වී ඇති බවයි අනාවරණය වී ඇත්තේ.
එවැනි ඝාතනයක් සිදු වුවහොත් මහජන ආරක්ෂක අමාත්යවරයා සහ පොලිස්පතිවරයා එක්ව ගෙන යන ‘යුක්තිය’ මෙහෙයුමට දැඩි පහරක් එල්ල කරමින් එම මෙහෙයුම අඩාල කිරීම අරමුණ වී ඇති බව සඳහන්.
