පෙරේදා (26) කොටුව මහේස්ත්රාත් අධිකරණය ආසන්නයේ පැවති විරෝධතාවයේ දී පොලිස් නිලධාරීයෙකුට බෝතලයකින් පහරදී තුවාල සිදුකළ සැකකරු අත්අඩංගුවට ගෙන තිබෙනවා.
මෙලෙස අත්අඩංගුවට ගැනුණු සැකකරු කළුතර, නාගොඩ ප්රදේශයේ පදිංචි වයස අවුරුදු 52ක පුද්ගලයෙක් බවයි වාර්තා වුණේ.
ධනුක හෙට්ටිආරච්චි නැමැති මෙම පුද්ගලයා හිටපු නාගරික මන්ත්රීවරයෙක් බවට ද තොරතුරු වාර්තා වනවා.
කොළඹ අපරාධ කොට්ඨාසයේ නිලධාරී කණ්ඩායමක් විසින් කළුතර නගරයේ දී ඊයේ (27) මෙම සැකකරු අත්අඩංගුවට ගෙන තිබෙනවා.
සැකකරු අද (28) කොළඹ කොටුව මහේස්ත්රාත් අධිකරණය හමුවට ඉදිරිපත් කිරීමට නියමිත බවයි පොලීසය සඳහන් කළේ.
